Таван банкны тусгай зөвшөөрлийг сунгалаа

Санхүүгийн зохицуулах хорооны ээлжит хуралдаан өчигдөр/03.10/ болж, 20 гаруй асуудал хэлэлцэн шийдвэрлэжээ.

“Нэйшнл ассет менежмент” ХХК-д үнэт цаасны зах зээлд хөрөнгө оруулалтын менежментийн, “Ивээлт-Очир” ХХК-д даатгалын зуучлагчийн, хувь нийлүүлсэн хөрөнгийн хэмжээ 2.5 тэрбум төгрөг байх шаардлагыг хангасан ”Хан Алтайн нуруу”, “Гоулд капитал инвест”, “Дарь финанс” ХХК-уудад банк бус санхүүгийн зээлийн үйл ажиллагаа эрхлэх тусгай зөвшөөрөл олгосон байна.

Мөн, валют арилжааны “Эксклюзивчэнж ББСБ” ХХК-д зээлийн үйл ажиллагаа эрхлэх тусгай зөвшөөрөл нэмж өгөхөөр болжээ.

Монголбанкаар арилжаалагдаж байгаа Засгийн газрын үнэт цаасны арилжаанд бусад харилцагчдыг оролцуулах боломжийг нэмэгдүүлэх үүднээс арилжааны банкуудад харилцагчийн нэрийн өмнөөс түүний даалгавраар хөрөнгө оруулалтын ажил, үйлчилгээ эрхлэх тусгай зөвшөөрөл олгодог. Энэ үйл ажиллагааг цаашид үргэлжлүүлэх, идэвхжүүлэх зорилгоор Хаан, Голомт, Худалдаа, хөгжлийн банк болон Хас банк, Төрийн банкны дээрх тусгай зөвшөөрлийг сунгажээ. Түүнчлэн, зохистой харьцааны шалгуур үзүүлэлтүүдийг ханган ажиллаж байгаа “Ханнамнан хөгжил”, “Эхлэл их наяд”, “ЭЛПИ”, Хаскредит”, “Монконкорд” ХЗХ-дын тусгай зөвшөөрлийн хугацааг тус бүр гурван жилээр сунгасан байна.

Б.Орхон

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.