БНХАУ-ын Манжуур хотруу зорчих иргэдийн тоо жилээс жилд нэмэгдэж байгаа. Харин энэ чиглэлийн замын чанар муу тул осол аваар гарах нь элбэг байдаг тухай иргэд хэлдэг. Тэгвэл энэ сарын 15-ны өдөр Манжуурын замд нэгэн ноцтой осол гарч, таван хүн амиа алджээ. Тодруулбал Манжуур хотыг зорьж явсан суудлын автомашин том оврын ачааны машинтай мөргөлдсөн байна. Тухайн өдөр Дорнод аймаг болон Алтан-Эмээл, Манжуур чиглэлд цаг агаар таагүй, цас шуурч байсан нь осол гарахад нөлөөлсөн байж болзошгүй хэмээх таамгийг дэвшүүлээд байна. Ослоор амиа алдсан иргэдийн тухайд Өвөрхангай аймгийн багш нар байжээ.
Б.Сансар
olloo.mn