Испанийн Уэска хотод өнгөрөгч нэгдүгээр сарын 23-29-ний өдрүүдэд “Сьюдад-де-Уэска” /”Ciudad de Huesca”/ Олон улсын төгөлдөр хуурчдын наадам болж өнгөрсөн.
Тус наадамд Япон, Хятад, БНСУ, Канад, Польш, ОХУ, Итали, Испани болон Монгол зэрэг 10 гаруй орны залуу авьяастнууд өрсөлдсөнөөс долоон настай О.Нандин 13 хүртэлх насны ангилалд нэгдүгээр байр эзэлж, алтан медаль хүртжээ. Тэрбээр 2015 онд мөн 13 хүртэлх насны ангилалд оролцож алтан медаль хүртэж байжээ. Хоёрдугаар байрыг “Хобби” сургуулийн сурагч Э.Цогт, гуравдугаар байрыг “Сант” сургуулийн сурагч Г.Энхцэцэг нар тус тус эзэлсэн байна.
Түүнчлэн зургаан настай Д.Энэрэлт 9 хүртэлх насны ангилалд нэгдүгээр байр, ХБК-ийн 11 дүгээр ангийн сурагч, 17 настай н.Бат-Амар 17 хүртэлх насны ангилалд гуравдугаар байрт тус тус шалгарчээ.
Б.Орхон