Монгол улсын Засгийн газрын бондын өрөө төлөх хугацаа тун дөхөж ирээд байгаа билээ. Эдийн засгийн их хямралын үед өрөө төлж чадахгүй нахцөл байдал үүсэн тул, манай улс удахгүй дампуурлаа зарлана гэх мэдээлэл ч их гарах болсон. Иймд бүх нийтээрээ хамтран хандив цуглуулж, өрөө төлөх санаачлагыг гаргасан.
Тодруулбал Монгол Улсын гавьяат эдийн засагч Б.Осоргарав 10 сая төгрөг, 10 адуу, алтан бөгж улсад хандивлаж, олон нийтээс дэмжлэг хүссэн. Харин үүнийг УИХ-ын гишүүн Б.Дэлгэрсайхан дэмжиж, хувиасаа 100 сая төгрөг, УИХ-ын гишүүн Н.Оюундарь 20 сая, УИХ-ын гишүүн Ж.Бат-Эрдэнэ 10 сая төгрөг хандивлахаа мэдэгдсэн. Түүнчлэн Засгийн газрын тэргүүн улсынхаа нэр хүндийг олон улсад муугаар дуулгахгүйн тулд өр зээлээ төлж чадахгүйд хүрвэл ард түмнээсээ тусламж гуйхдаа ичихгүй гэх утгатай зүйлийг ярьж байсан.
Тэгвэл Ерөнхий сайд Ж.Эрдэнэбат энэ бодлоосоо ухарч ард түмнээс хандив цуглуулахгүйгээр цаг тухай бүрт нь зээлийн төлөлтөө хийж чадна хэмээн мэдэгдсэн байна. Эдийн засагчдын үзэж буйгаар манай улсын санхүүгийн байдал тун хүнд байгаа бондын эргэн төлөлт хийх 580 сая ам.долларын эх үүсвэр байхгүй аж. Гэсэн хэдий ч Ерөнхий сайд зээлээ төлж чадна хэмээн ам бардам хэлж байгаа нь зээлийн эргэн төлөлтийн эх үүсвэрээ олсон байж магадгүй гэж үзэхэд хүргэж байна.
Б.Сансар
Тодруулбал Монгол Улсын гавьяат эдийн засагч Б.Осоргарав 10 сая төгрөг, 10 адуу, алтан бөгж улсад хандивлаж, олон нийтээс дэмжлэг хүссэн. Харин үүнийг УИХ-ын гишүүн Б.Дэлгэрсайхан дэмжиж, хувиасаа 100 сая төгрөг, УИХ-ын гишүүн Н.Оюундарь 20 сая, УИХ-ын гишүүн Ж.Бат-Эрдэнэ 10 сая төгрөг хандивлахаа мэдэгдсэн. Түүнчлэн Засгийн газрын тэргүүн улсынхаа нэр хүндийг олон улсад муугаар дуулгахгүйн тулд өр зээлээ төлж чадахгүйд хүрвэл ард түмнээсээ тусламж гуйхдаа ичихгүй гэх утгатай зүйлийг ярьж байсан.
Тэгвэл Ерөнхий сайд Ж.Эрдэнэбат энэ бодлоосоо ухарч ард түмнээс хандив цуглуулахгүйгээр цаг тухай бүрт нь зээлийн төлөлтөө хийж чадна хэмээн мэдэгдсэн байна. Эдийн засагчдын үзэж буйгаар манай улсын санхүүгийн байдал тун хүнд байгаа бондын эргэн төлөлт хийх 580 сая ам.долларын эх үүсвэр байхгүй аж. Гэсэн хэдий ч Ерөнхий сайд зээлээ төлж чадна хэмээн ам бардам хэлж байгаа нь зээлийн эргэн төлөлтийн эх үүсвэрээ олсон байж магадгүй гэж үзэхэд хүргэж байна.
Б.Сансар
olloo.mn