Тавантолгойн гэрээний “Цагаан cap акц” эхэллээ гэв үү

УИХ-ын гишүүн Л.Энхболд 2016 оны арванхоёрдугаар сарын 20-нд Тавантолгойн асуудлаар Ерөнхий сайдад асуулга тавьсан юм. Тэгвэл түүний асуулгын хариуг энэ сарын 19-ний өдөр ЗГХЭГ-ын дарга Ж.Мөнхбат өгчээ.
 
Дөрвөн зүйл бүхий хариугаараа “Эрдэнэс Тавантолгой” ХК- ийн өнөөгийн байдал, иргэдэд эзэмшүүлсэн хувьцааны талаар, Тавантолгойн төмөр зам, тээврийн чиглэлээр, мөн Тавантолгойн ордыг ашиглах талаар баримтлах бодлогын талаар товч мэдээллийг хүргүүлсэн байна.
 
Тодруулбал, “Эрдэнэс Таванголгой” ХК-ийн тодорхой хувийг БНХАУ-ын компанийн талаас худалдан авах талаар санал ирүүлээгүй бөгөөд худалдах талаар Монгол Улсын Засгийн газраас гэрээ хэлэлцээ хийгээгүй.
 
Тавантолгойн ордыг эдийн засгийн эргэлтэд оруулах хүрээнд үндэсний аж ахуйн нэгж, орон нутгийн аж ахуйн нэгж байгууллагуудыг нэн тэргүүнд давуу эрхтэй оролцуулахыг зорьж байгаа. УИХ-ын 2010 оны 39 дүгээр тогтоолын дөрөв дэх хэсэгт гадаад, дотоодын хөрөнгө оруулагчдын оролцоотой компани /консорциум/-ийг нээлттэй хэлбэрээр сонгон шалгаруулж хөрөнгө оруулалтын гэрээний төслийг чуулганаар хэлэлцүүлж, бусад баримт бичгийн төслийг танилцуулахыг Засгийн газарт үүрэг болгосон.
 
Үүний  хүрээнд Тавантолгойн нүүрсний ордод хөрөнгө оруулж, хамтран ажиллахаар шалгарсан хөрөнгө оруулагчтай хийх гэрээний нөхцөлийг сайжруулах чиглэлээр хэлэлцээ хийж, санал дүгнэлт боловсруулах үүрэг бүхий Ажлын хэсэг Уул уурхай, хүнд үйлдвэрийн сайдаар ахлуулан Ерөнхий сайдын 2016 оны арваннэгдүгээр сарын 16-ны өдрийн 104 дүгээр захирамжаар байгуулан ажиллаж байгаа зэргийг “танилцуулсан” байна.
 
Л.Энхболд гишүүний хувьд Өмнөговь аймгаас сонгогдсон. Тавантолгойн гэрээ ямар болох нь Өмнөговийн ард түмэнд хамгийн түрүүнд нөлөөлнө. Тиймээс гэрээний асуудалд ихээхэн анхаарал тавьж буй аж. Гэвч Засгийн газраас түүнд дээрх мэтээр тун “бөөрөнхий” хариулт өгчээ.
 
Үүнтэй зэрэгцэн нэгэн мэдээлэл яригдаад эхэллээ. Эрх баригчид Тавантолгойн .гэрээг он дамнуулан хийх гээд амжаагүй. Сүүлийн оролдлого нь Олон улсын гэрээний тухай хуульд өөрчлөлт оруулаад зүтгүүлэхээр төлөвлөөд амжилт олоогүй. Үүнийг “Шинэ жил  акц” хэмээн нэрийдсэн гэнэ. Харин одоо “Цагаан cap акц”-аа эхлүүлэхээр бэлтгэлээ хангaсан мэдээлэл байна.
 
Үүгээр бол монголчуудын уламжлалт цагаан сарын баярыг дамнуулан талууд Тавантолгойн ордыг ашиглуулах гэрээнд гарын үсэг зурах юм байна.
Энэ “ажиллагаа” 2017 оны хоёрдугаар сарын 6-нд УИХ дахь МАН-ын бүлгээр Тавантолгойн төслийг хэлэлцүүлэхээс эхэлнэ гэж байна.
 
Хэрэвзээ эрх баригчдын тооцооллоор явбал цагаан сар гэхэд Тавантолгойн ордын 51 хувь нь “Энержи ресурс”-т, 49 хувь нь “Шинхуа”-д очсон байна гэсэн үг.


Зууны мэдээ
Б.Дамдин-Очир

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • mendee 2017-02-01 05:47:23
    Gereege hurdan hiigeech de humuus orlogotoi ajiltai baih n heregtei bna. Hayatad nuursee zarahaas hoish yug n haramlah ve de avah tatvaraa ahiuhan togtoogood ya...
  • zochin 2017-01-31 03:20:07
    khyatadad ugukh yum bol jinkhene eserguutliin ajillagaa bolokh biz
  • Зочин 2017-01-31 01:07:57
    Үзвэл үнс, харвал хальс гэгчээр нүүрсээ одоохон л хөдөлгөж байхгүй бол хэдхэн жилийн дараа үнс болчих вийдээ шинжлэх ухаан манайхаас бусад оронд гэрлийн хурдаар...
    • Zochin 2017-01-31 01:42:24
      Nyyrs chin' dotroo erchim khychnii, bayajuualkh gej yalgagddag. ETT-n nyyrs n' bayajuulakh nyyrs buyu yns bolchikh vii gej zovood bgaa khesegt ogt khamaagyi s...