Хонины махны үнэ 29.2 хувиар өсчээ
Үндэсний статистикийн хорооноос хүнсний гол нэрийн барааны үнийн судалгааг гаргажээ. Энэ сарын 25-ны байдлаар гол нэрийн барааны үнийг өмнөх сартай харьцуулахад 10.9 хувь, өмнөх 7 хоногтой харьцуулахад 0.4 хувиар өсчээ.

Махны дундаж үнэ: Хонины ястай махны үнэ өмнөх сараас 29.2 хувь, үхрийн ястай махны үнэ 23.7 хувь, үхрийн цул махны үнэ 10.4 хувь, адууны ястай махны үнэ 5.0 хувь, ямааны ястай махны үнэ 21.3  хувиар өссөн байна. Өмнөх 7 хоногтой харьцуулахад үхрийн ястай махны үнэ 1.3 хувь, үхрийн цул махны үнэ 1.2 хувиар өссөн бол, хонины болон адууны махны үнэ 0.5 хувиар буурч, ямааны махны үнэ өөрчлөлтгүй байна. 1 кг хонины /ястай/ мах дунджаар 5675 төгрөг, үхрийн /ястай/ мах 6900 төгрөг, үхрийн цул мах 8355 төгрөг, адууны /ястай/  мах 4625 төгрөг, ямааны /ястай/  мах 4300 төгрөгийн үнэтэй байв.

Гурилын үнэ: Гурилын үнийг өмнөх сартай харьцуулахад задгай 1-р зэргийн гурилын үнэ 1.2 хувиар буурч, бусад гурилын үнэ өөрчлөлтгүй байна. Өмнөх 7 хоногтой харьцуулахад задгай 1-р зэргийн гурилын үнэ 1.0 хувиар буурч, бусад гурилын үнэ өөрчлөлтгүй байв.

Будаа, элсэн чихрийн дундаж үнэ: Цагаан будааны үнэ өмнөх сартай харьцуулахад 0.4 хувиар өссөн бол өмнөх 7 хоногтой харьцуулахад өөрчлөлтгүй байна. Элсэн чихрийн үнэ өмнөх сартай болон өмнөх 7 хоногтой харьцуулахад өөрчлөлтгүй байв.

Төмс, хүнсний ногооны дундаж үнэ: Төмс, хүнсний ногооны үнийг өмнөх сарын дундаж үнэтэй харьцуулахад байцааны үнэ 9.7 хувь, луувангийн үнэ 3.4 хувиар өсч, төмсний үнэ 0.3 хувь, хүрэн манжингийн үнэ 4.8 хувиар буурч, сонгины үнэ өөрчлөлтгүй байна. Өмнөх 7 хоногийн үнэтэй харьцуулахад луувангийн үнэ 2.4 хувиар өсч, байцааны үнэ 1.9 хувь, хүрэн манжингийн үнэ 4.8 хувиар буурсан бол, төмс, сонгины үнэ өөрчлөлтгүй байв.

Сүү, өндөг, ургамлын болон цөцгийн тосны дундаж үнэ: Сүүний үнийг өмнөх сартай харьцуулахад савласан /1 литрийн/ сүүний үнэ 1.2 хувь, “Элекстер” /0.5 литрийн/ сүүний үнэ 8.2 хувь, задгай сүүний үнэ 2.0 хувиар өсчээ. Өмнөх 7 хоногийнхтой харьцуулахад савласан /1 литрийн/ сүүний үнэ 0.2 хувь, “Элекстер” /0.5 литрийн/ сүүний үнэ 6.7 хувь, задгай сүүний үнэ 2.0 хувиар өссөн байна. Өндөгний үнэ өмнөх сартай болон өмнөх 7 хоногтой харьцуулахад өөрчлөлтгүй байна. Ургамлын тосны үнэ өмнөх сартай болон өмнөх 7 хоногтой харьцуулахад өөрчлөлтгүй байна. Цөцгийн тосны үнэ өмнөх сараас болон өмнөх 7 хоногоос өөрчлөлтгүй байв.


Б.Орхон

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • иргэн 2017-01-30 06:58:00
    малчдыг шулж амьдардаг хөдөөний хүмүүс баяжаадл хотод сууршаадл байр хүртэл аваадл боль до цаана нь хөөрхий малчид малаа хэдхээн төгрөгнөөс өгчөөдл хэцүүч юм да...