"Эрдэнэт" үйлдвэрийн 49 хувийн энгийн хувьцааг "Монголын зэс корпораци" ХХК худалдан авсантай холбоотой асуудлыг иж бүрнээр шалгаж, санал дүгнэлт гаргах үүрэг бүхий Ажлын хэсгийн ахлагч Ш.Раднаасэд, ажлын хэсгийн гишүүн, УИХ-ын дэд дарга Ц.Нямдорж нар өнөөдөр 13.00 цагт Төрийн ордны "Их эзэн Чингис хаан" танхимд мэдээлэл хийнэ.

Үдээс өмнө Хууль зүйн байнгын хорооны хуралдаанаар ажлыг хэсгийн дүгнэлтийг хэлэлцэх үеэр АН-ын бүлэг завсарлага авсан. Үүний дараа АН-ын бүлгийн дарга С.Эрдэнэ байр сууриа илэрхийлж, мэдээлэл хийсэн юм.