Нийслэлийн Налайх дүүрэгт уурхайн 70 метрийн гүнд нэг хүн дарагдлаа гэх дуудлага өнөө өглөө 06:25 минутанд Онцгой байдлын албанд иржээ. Хэргийн газар Уул уурхайн аврах ангийн долоон алба хаагч, хоёр техник хэрэгсэлтэйгээр аврах ажиллагаг зохион байгуулжээ. Харамсалтай нь 48 настай иргэн Б шаварт дарагдан нас барсан байжээ. Аврагчид түүний цогцосыг гарган эмнэлгийн байгууллагад хүлээлгэн өгсөн байна.Одоогоор хэргийг Налайх дүүргийн цагдаагийн хэлтэст шалгаж байна.
Байсхийгээд хүний амийг авч оддог Налайхын нүүрсний амуудыг холбогдох албаныхан хаах шийдвэр гаргаж, лацаддаг ч хэд хоногийн дараа хулгайгаар ажлаа явуулж эхэлдэг нь өнөөдөр асуудал болоод байна. Мэдээж хүний амь нас хохирч байгаа нь аюултай хэдий ч энэ жижиг амуудаар амьдралаа залгуулдаг олон иргэд байгаа. Тиймээс энд ажиллаж буй хувиараа нүүрс олборлогчдод хөдөлмөрийн аюулгүй байдал сахиулах тал дээр анхаарч ажиллах хэрэгтэй байгааг дүүргийн иргэд хэлж байна.
Байсхийгээд хүний амийг авч оддог Налайхын нүүрсний амуудыг холбогдох албаныхан хаах шийдвэр гаргаж, лацаддаг ч хэд хоногийн дараа хулгайгаар ажлаа явуулж эхэлдэг нь өнөөдөр асуудал болоод байна. Мэдээж хүний амь нас хохирч байгаа нь аюултай хэдий ч энэ жижиг амуудаар амьдралаа залгуулдаг олон иргэд байгаа. Тиймээс энд ажиллаж буй хувиараа нүүрс олборлогчдод хөдөлмөрийн аюулгүй байдал сахиулах тал дээр анхаарч ажиллах хэрэгтэй байгааг дүүргийн иргэд хэлж байна.
Б.Сансар
olloo.mn
olloo.mn