Олон улсын жүдо бөхийн холбоо буюу IJF-ийн шүүгч, олимпийн зэрэглэлийн шүүгч Чех Улсын иргэн Владимир Хнедка Монголд сургалт явуулахаар уригдан иржээ.

Тэрбээр Монголын жүдочдын бэлтгэлийн зааланд зочилж, 2017 оны УАШТ-нд оролцох тамирчин болон багш, дасгалжуулагч нарт хэдхэн хоногийн өмнө IJF-ийн шинэ батлагдсан дүрмийг танилцуулсан байна. Мөн  В.Хнедка маргааш жүдо бөхийн шүүгчдэд дүрмийн талаар сургалт явуулах юм байна.

Тэрбээр ОХУ-ын олимпийн зэрэглэлийн шүүгч Владимир Востриковтой энэ сарын 16-18-нд болох жүдо бөхийн насанд хүрэгчдийн УАШТ-ийг дэнслэх аж.

Б.Орхон