Үндэсний аюулгүй байдлын зөвлөл өчигдөр нийслэлийн агаарын бохирдлын асуудлаар өргөтгөсөн хуралдаан хийсэн.
Үүнтэй холбогдуулан өнөөдөр Ерөнхийлөгч Ц.Элбэгдорж ҮАБЗ-ийн хурлаар хэлэлцсэн нийслэлийн агаарын бохирдол, утааны асуудлаар Төрийн ордны Иргэний танхимд олон нийт, хэвлэл мэдээллийхэнд мэдээлэл хийж байна.
Ерөнхийлөгч зангиатай ирсэн “Зангиагүй уулзалт”-ыг нээж хэлсэн үгэндээ:
Үүнтэй холбогдуулан өнөөдөр Ерөнхийлөгч Ц.Элбэгдорж ҮАБЗ-ийн хурлаар хэлэлцсэн нийслэлийн агаарын бохирдол, утааны асуудлаар Төрийн ордны Иргэний танхимд олон нийт, хэвлэл мэдээллийхэнд мэдээлэл хийж байна.
Ерөнхийлөгч зангиатай ирсэн “Зангиагүй уулзалт”-ыг нээж хэлсэн үгэндээ:
Улаанбаатарын орчин бол аюултай орчин. Аюултай орчин учир хязгаарлалт хийхээс өөр аргагүй
-Өчигдөр Ерөнхийлөгчийн Тамгын газар, УИХ, Засгийн газрын гишүүд, яам, агентлагийн, нийслэлийн удирдлага, төрийн бус байгууллага , орон нутаг, хэвлэлийн төлөөлөл гээд нийтдээ 12 байгууллагын төлөөлөл оролцож ҮАБЗ-ийг хуралдууллаа. ҮАБЗ-ийн хуралдааныг ажил хэрэгч болгох үүднээс хаалттай хийсэн. ҮАБЗ-ийн хурлыг өргөтгөж хийсэн нь Монгол Улсын иргэдийн амьд явах, эрүүл байх чухал асуудлыг хөндөж, зохион байгуулсан. Үндэсний аюулгүй байдлын тэргүүний хувьд энэ хурлаас ямар шийд гарав, цаашдаа ямар үйл ажиллагаа явуулах гэж байгааг та бүхэнд дуулгах гэсэн юм. Би өөрийн фэйсбүүк, твиттер дээрээ хурлын зөвлөмжийг тавьсан байгаа. Энэ бол анх удаагийнх. ҮАБЗ-ийн хуралдаанаас гарсан зөвлөмжийг Үндсэн хуулиа барьж гаргасан. Үндсэн хуульд Монгол Улсын иргэн амьд явах эрхтэй, эрүүл аюулгүй орчинд амьдрах эрхтэй. Улаанбаатарын орчин бол аюултай орчин. Аюултай орчин учир хязгаарлалт хийхээс өөр аргагүй. Үүнд маргаангүй байх эрхтэй. Нэг асуудал дээр ч гэсэн бид биенээ доош нь хийхгүй байх хэрэгтэй. Эхийн хэвлийд байгаа хүүхэд амьгүй болох хэмжээнд хүрсэн энэ гамшгийг гамшиг, аюул гэхгүй бол юуг гамшиг гэх вэ. Утааны үеийнхэн бүгд эмгэнэл бий болж байна. Эрүүл мэндээрээ хохирч, амиа алдаж, генд нь уламжлагдаж үлдэх орчинд төрсөн хүмүүс бий боллоо.
Та бүхэн Ерөнхийлөгч энэ асуудлаа долоон жилийн өмнө ярихгүй яасан юм гэж бодож байгаа байх. 2009 онд Ерөнхийлөгчөөр сонгогдоод, Улаанбаатар хот хүн амьдрахад аюултай хот боллоо гэдгийг би хэлж байсан. Тухайн үед УИХ-ыг шахаж байж Агаарын бохирдлын төлбөрийн хуулийг 2010 онд гаргасан. Байгаль орчны олон улсын зөвлөгөөн дээр би 2011 онд очиж ярьж байлаа. Намайг байгаль орчны асуудлаар хамгийн их ярьдаг Ерөнхийлөгч гэж 2011 онд НҮБ-ын Байгаль орчны шагналаар шагнаж байсан юм.
Агаарын бохирдлын асуудлаар нийслэлийн удирдлагуудтай хурал хийх гэхэд сүржигнэлээ гэдэг байлаа. Тэр үед хэвлэл мэдээлэл ч тоож бичдэггүй байсан. Энэ утааны асуудал үргэлж миний сэтгэл зүрхэнд байсан. Зургаан жилийн өмнө утааг зүрхэндээ хар гэж би хэлж байсан. Тэгээд 2010 онд УИХ-ын дарга Д.Дэмбэрэл, Ерөнхий сайд С.Батболд байхад Агаарын бохирдлын хуулийг баталж байлаа. Үүн дотроо Агаарын бохирдлыг бууруулах үндэсний хороо байгуулсан. Ерөнхий сайдаар ахлуулсан энэ хороо 2013 онд байгуулж байлаа.
Тэгээд “Цэвэр агаар” сан байгуулсан. Гэхдээ иймэрхүү төсөл хэрэгжүүлэхэд ашгийн төлөө зүйл явагдсан байдаг. Олон улсын байгууллагын шугамаар олон айлын гэрийг дулаалсан. Би зургаан жилийн өмнө утааг зүрхэндээ хар гэж хэлж байсан.
Нэгэнт гамшгийн бүс гээд зарласан болохоор онцгой горимоор ажилладаг болох хэрэгтэй
Би энэ асуудлаар Засгийн газрын хуралдаанд үг хэлж байсан. Улаанбаатарынхан 600 мянган тонн нүүрсийг нь түлж байгаа. Манай гэр хорооллын хэрэгцээ тийм их биш. Хүн үүнийг сэтгэл зүрхэндээ аваад үр дүн гаргая гэвэл шийдэхэд хэцүү асуудал биш. Үндэсний аюулгүй байдлын тэргүүний хувьд зөвлөмж гаргаж, энэ талаарх газрын зургийг гаргаад явж байна.Улаанбаатар хотын агаарын бохирдлыг гамшгийн төвшинд хүрснийг хүлээн зөвшөөрлөө. Энэ ажил руу Улаанбаатар хотын холбогдох хүмүүс орох хэрэгтэй. Шилжин ирэлтийг хориглох асуудлыг Аюулгүй байдлын зөвлөлийн зөвлөмжөөр тодорхойлж өглөө.
Нэгэнт гамшгийн бүс гээд зарласан болохоор онцгой горимоор ажилладаг болох хэрэгтэй. Орчны байдлын асуудлаар онцгой байдлын хороог Ерөнхий сайд ахлах хэрэгтэй. Төр ингэж ажиллах хэрэгтэй.
П.ГОО
Оллоо.мн