Дорнод аймгийн Хавирга боомтоор энэ сарын 3-ны шөнө 1240 толгой адууг хилээр гаргасан тухай мэдээлэл олон нийтийн сүлжээгээр цацагдсан.
Тэгвэл энэ нь баримт, үндэслэлгүй худал мэдээлэл бөгөөд Шадар сайдын өгсөн үүрэг, чиглэлийн дагуу 2016 оны арваннэгдүгээр сарын 18-ны өдрөөс хойш Монгол Улсаас нэг ч толгой амьд адуу экспортлогдоогүй хэмээн МХЕГ-аас мэдээллээ. Мөн Дорнод аймгийн Мэргэжлийн хяналтын газар, Гаалийн газраас Хавирга боомтоор 1240 толгой адуу нэвтрүүлээгүй болох тухай мэдэгдэл гаргажээ.
Иймд иргэдийг олон нийтийн сүлжээнд тодорхой нэр, зураггүйгээр бусдыг гүтгэн доромжилсон, баримт нотолгоогүй мэдээлэлд итгэх, нөлөөлөлд автахгүй байхыг МХЕГ-аас зөвлөлөө.
Б.Орхон