Хүнсний гол нэрийн барааны үнэ 4.3 хувиар өсчээ

Үндэсний статистикийн хорооноос хүнсний гол нэрийн барааны үнийн судалгааг гаргажээ. Энэ сарын 14-ний байдлаар гол нэрийн барааны үнийг өмнөх сарынхтай харьцуулахад 4.3 хувь, өмнөх 7 хоногийнхтой харьцуулахад 2.4 хувиар өсчээ.

Махны дундаж үнэ: Хонины ястай махны үнэ өмнөх сарынхаас 7.9 хувь, үхрийн ястай махны үнэ 3.3 хувь, үхрийн цул махны үнэ 7.4 хувь, ямааны ястай махны үнэ 9.8 хувиар өсч, адууны ястай махны үнэ өөрчлөлтгүй байна. Өмнөх 7 хоногийнхтой харьцуулахад хонины ястай махны үнэ 3.6 хувь, үхрийн ястай махны үнэ 7.9 хувь, үхрийн цул махны үнэ 5.7 хувь, ямааны ястай махны үнэ 6.4 хувиар өсч, адууны ястай махны үнэ өөрчлөлтгүй байна. 2016 оны 12-р сарын 14-ний байдлаар 1 кг хонины /ястай/ мах дунджаар 4260 төгрөг, үхрийн /ястай/ мах 5685 төгрөг, үхрийн цул мах 7670 төгрөг, адууны /ястай/  мах 4405 төгрөг, ямааны /ястай/  мах 3650 төгрөгийн үнэтэй байв.

Гурилын үнэ: Гурилын үнийг өмнөх сарынхтай харьцуулахад савласан дээд гурилын үнэ 0.4 хувь, задгай 1-р зэргийн гурилын үнэ 2.3 хувиар буурч, савласан дээдийн дээд гурил болон савласан 2-р зэргийн гурилын үнэ өөрчлөлтгүй байв. Өмнөх 7 хоногийнхтой харьцуулахад гурилын үнэ өөрчлөлтгүй байна.

Будаа, элсэн чихрийн дундаж үнэ: Цагаан будааны үнэ өмнөх сарынхтай харьцуулахад 0.9 хувиар өсч,  өмнөх 7 хоногийнхтой харьцуулахад өөрчлөлтгүй байна. Элсэн чихрийн үнэ өмнөх сарынхтай болон өмнөх 7 хоногийнхтой харьцуулахад өөрчлөлтгүй байна.

Төмс, хүнсний ногооны дундаж үнэ: 2016 оны 12-р сарын 14-ний байдлаар төмс, хүнсний ногооны үнийг өмнөх сарын дундаж үнэтэй харьцуулахад төмсний үнэ 1.5 хувь, луувангийн үнэ 10.4 хувь, байцааны үнэ 42.8 хувиар өсч, манжингийн үнэ 2.4 хувиар буурч, сонгины үнэ өөрчлөлтгүй байна. Өмнөх 7 хоногийнхтой харьцуулахад луувангийн үнэ 4.3 хувиар буурч, төмсний үнэ 1.4 хувь, байцааны үнэ 20.5 хувиар өсч, манжин болон сонгины үнэ өөрчлөлтгүй байна.

Сүү, өндөг, ургамлын болон цөцгийн тосны дундаж үнэ: Сүүний үнийг өмнөх сарынхтай харьцуулахад савласан /1 литрийн/ сүүний үнэ 3.6 хувь, “Элекстер” /0.5 литрийн/ сүүний үнэ 3.2 хувиар өсч, задгай сүүний үнэ өөрчлөлтгүй байна. Өмнөх 7 хоногийнхтой харьцуулахад савласан /1 литрийн/ сүүн болон “Элекстер” /0.5 литрийн/ сүүний үнэ 1.6 хувиар өсч, задгай сүүний үнэ өөрчлөлтгүй байв. Өндөгний үнэ өмнөх сарынхтай харьцуулахад 1.9 хувиар өсч, өмнөх 7 хоногийнхтой харьцуулахад өөрчлөлтгүй байна. Ургамлын тосны үнэ өмнөх сарынхтай болон өмнөх 7 хоногийнхтой харьцуулахад 8.5 хувиар өссөн байна. Цөцгийн тосны үнэ өмнөх сарынхаас болон өмнөх 7 хоногийнхоос өөрчлөлтгүй байна.

Б.Орхон

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Бага идэж сур 2016-12-18 01:08:08
    Бага идэж сурах хэрэгтэй дээ. Эр эмгүй илүүдэл жинтэй заваан харагдаж байна шүү залуучууд.
    42.82.181.132
    Мэдэгдсэн Хариулах
  • Батаа 2016-12-17 05:20:21
    Би төсвийн байгуулагад олон жил ажилласан цалин тэтгэвэр бага зэрэг нэмхээр түүнтэй холбон талбарладагсан одоо юу гэх вэ
    202.9.43.190
    Мэдэгдсэн Хариулах