Онгоц осолдож, алдартай дуучин амиа алджээ

Пакистаны хойд этгээдийн Хайбер Пахтунхва мужид өчигдөр тус улсын иргэний агаарын тээврийн онгоц уулархаг хэсгийн нутагт сүйрчээ. Тухайн үед онгоцонд нийт 48 хүн зорчиж явсан бөгөөд бүгд амь үрэгдсэн байна. 

Албаны эх сурвалжийн мэдээлснээр зорчигчдын дунд Пакистаны алдартай поп дуучин Жунайд Жамшед байжээ.  Дуучин эрийг уг ослоор нас барсан талаарх мэдээлэл эдүгээ сошиал сүлжээнд эрчимтэй тарж, олон арван шүтэн бишрэгчид нь гашуудлын зурвас илгээж буй гэнэ.

 Жунайд Жамшед тус улсын анхны хамтлагийн ахлагчаар ажилладаг байсан бөгөөд тус хамтлагийн дуулсан “Dil Dil Pakistan” дуу нь тус улсын албан бус төрийн дуулал гэж нэрлэгдэх хэмжээнд хүртлээ хит болж байжээ. Сүйрсэн онгоцны тухайд ATR-42 загварын онгоц бөгөөд Ситрал гэх бүс нутгаас нийслэл Исламабад хотыг чиглэн нисч явсан байна. Сүйрлийн шалтгаан одоогоор тодорхойгүй байгаа ажээ.

Монголын мэдээ
Б.Даваахүү

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.