Өнөөдөр /12.01/ ДОХ-той тэмцэх Дэлхийн өдөр тохиож байна.  ЭМЯ, МЗХ, ХӨСҮТ-ийн төлөөлөл болон УИХ-ын гишүүн Д.Гантулга нарын хүмүүс энэ өвчний талаар мэдээлэл хийлээ.  Хамгийн сүүлийн судалгаагаар Монголд 218 хүн ДОХ-ын халдвартай болох нь тогтоогджээ. Харин тэдний ард  15-49 насныхны дунд 457 халдвартай иргэн байж болзошгүй гэсэн судалгааг гаргаад байгааг энэ үеэр дуулгалаа.
 
Энэ өдрийн тохиолдуулан НҮБ-ын ДОХ-ын хөтөлбөрийн гүйцэтгэх захирал Михел Сидибе “ДОХ-ын аюулыг 2030 он хүртэл устгахын төлөө яаравчлая”  хэмээн уриалга гаргасныг дуулгалаа. Мөн хурлын үеэр АУ-ны доктор Б.Цацралт-Од “ДОХ”-той эхчүүдээс 14 хүүхэд төрснийг хэллээ.

Дашрамд дуулгахад энэ жил “ХДХВ, ДОХ-оос сэргийлэх нь та бидний гарт” гэсэн уриан дор тэмдэглэн өнгөрүүлж байгаа бөгөөд хувь хүн өөрөө л ухамсартай, хариуцлагатай байвал энэ өвчнөөс сэргийлж чадна хэмээн хэвлэлийн бага хуралд оролцогчид онцолсон юм.