800 сурагч иргэний андгай өргөлөө
Улсын хэмжээнд 2016 онд 16 нас хүрч, иргэний үнэмлэхээ гардах 49892 хүүхэд байна. Эдгээр охид, хөвгүүдийн төлөөлөл 800 сурагч Тусгаар тогтнолын баярын энэ өдөр эрдэм боловсролтой, эх оронч иргэн байхаа андгайлан тангараглалаа.

Монгол Улсын Ерөнхий сайдын ивээл дор Монголын Залуучуудын Холбооноос 14 дэх жилдээ зохион байгуулж буй энэхүү арга хэмжээнд Монгол Улсын Ерөнхий сайд Ж.Эрдэнэбат болон УИХ, Засгийн газрын зарим гишүүн, урлаг спортын нэр хүндтэй эрхмүүд оролцож, залуучууддаа иргэний үнэмлэхийг нь гардуулан баяр хүргэлээ. 

Иргэний андгай өргөх ёслолд оролцож байгаа залуучуудад Ерөнхий сайд Ж.Эрдэнэбат сурлага, урлаг, спортын өндөр амжилт хүсч үг хэллээ. Тэрбээр, 16 нас хүрсэн охид, хөвгүүд та бүхэн өнөөдөр хүүхэд насныхаа гэгээн мөрөөдлийг биелүүлэх, хамгийн ихийг бүтээх эрч хүчтэй насандаа ирлээ.Эх орныхоо баялаг түүхээс суралцаж ахмад үеэ хүндэтгэн улс орныхоо хөгжлийг буухиалан үргэлжлүүлэх хариуцлагатай бөгөөд эрхэм хүндтэй үүрэг хүлээж ирээдүйдээ итгэлтэй, өөрөө өөрийнхөө удирдагч байж зорилгодоо хүрэх хүсэл тэмүүлэлтэйгээр сурч ажиллаж улсынхаа нэр хүндтэй иргэн байна гэдэгт итгэлтэй байна гэж Ерөнхий сайд хэллээ.

Монгол Улсын хүн амын олонх болсон хүүхэд, залуучуудын хөгжлийн асуудал төрийн бодлогын анхаарлын төвд байж, энэ бодлогоо хэрэгжүүлэхээр Хүүхэд, залуучуудын хөгжлийн газрыг байгуулж, 2016-2020 оны Засгийн газрын үйл ажиллагааны  хөтөлбөрт залуучуудад хандсан олон ажил арга хэмжээг хэрэгжүүлэхээр тусгасан гэлээ.

Залуучууд та бүхэн ирээдүйн сайхан амьдралынхаа төлөө зорилгоо тодорхойлж, улс орныхоо ирээдүй гэдгээ ухамсарлан хамтдаа зүтгэж эх орныхоо нэрийг тив, дэлхийд дуурсган манлайлна гэдэгт итгэлтэй байна гэлээ.

Аль ч цаг үед нөр их хөдөлмөр, хүчин чармайлтгүйгээр амжилтад хүрэхэд хэцүү. Тиймээс зорилготой, тэмүүлэлтэй,  мэдлэгийг эрж хайдаг, их уншдаг байгаарай гэж Засгийн газрын тэргүүн Ж.Эрдэнэбат хэлээд Бүрэн Эрхт Монгол Улсын бахархалт иргэн болж байгаа залуучуудад баяр хүргэж амжилт хүслээ.

“Иргэний андгай өргөх ёслол”-д “Итгэлийн танхим” ТББ-ын тэргүүн, жүжигчин Г.Ундармаа, “Амжилтын хэлхээ” ТББ-ын тэргүүн О.Саранчулуун, “Оюун ухааны академи”-ийн тэргүүн Х.Хатанбаатар, “Лантуун дохио” ТББ-ын тэргүүн Ч. Ганжавхлан, УДЭТ-ын жүжигчин Б.Шинэбаяр, О.Дөлгөөн, Б.Одончимэг, загвар өмсөгч С.Сарнай, Сагсанбөмбөгийн үндэсний шигшээ багийн тамирчин Б.Билгүүн нар урилгаар оролцлоо.
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Төмөр 2016-11-27 04:55:41
    Андгай өргөх ёслолд урилгаар оролцож байгаачууд нь. Загвар өмсөгчид бол өндөр үнэтэй биеэ үнэлэгчид гэдгийг бүгд мэднэ. Тэгээд жүжигчин, тамирчин.
  • болиоч ичээч  2016-11-26 08:02:50
    ХЭДЭН ЗУУГААР НЬ АВААЧИЖ ОЮУН УХААН НЭР ТӨР ҮЗЭЛ БОДЛЫГ НЬ ХҮЧИРХИЙЛЖ ЭЛДЭВ АНДГАЙ ТАНГАРАГ ӨРГҮҮЛЖ БАЙГАА МӨНХБАТ ГЭГЧ ХҮЧИРХИЙЛЭГЧТЭЙ ХАРИУЦЛАГА ТООЦОЖ БОЛОХ ...
  • fg 2016-11-26 04:58:01
    хэлбэр хөөсөн эх орончид