Өнөөдөр Улс тунхагласны 92 жилилйн ойн баярын өдөр тохиож байна. Ойн баярт зориулсан хүчит бөхийн барилдаан 14.00 цагт "Монгол бөхийн өргөө"-нд эхэлнэ. Барилдаанд Улсын аварга Ч.Санжаадамба, Улсын арслан П.Бүрэнтөгс, Р.Пүрэвдагва, Улсын гарьд Б.Гончигдамба, Улсын заан Б.Пүрэвсайхан нарын бөх зодоглоно.
 
Улс тунхагласны ойн барилдаан нь улсын их баяр наадам, цагаан сарын барилдааны дараа орохуйц өндөр чансаатай бөгөөд 1990 оноос хойш зохион байгуулж эхэлсэн. Мөн дархан аварга, гавьяат тамирчин Б.Бат-Эрдэнэ хамгийн олон буюу зургаан удаа энэ барилдаанд түрүүлж байсан юм.