Монголын чөлөөт бөхийн холбооны их хурал арваннэгдүгээр сарын 19-нд болохоор товлогдоод байсан. Тэгвэл төлөвлөгөөний дагуу өнөөдөр өглөө "Blue sky" зочид буудалд нэлээд сүр дуулантай эхэллээ. Учир нь тус холбооны удирдлагууд их хурлаа хаалттай хийх шийдвэр гаргаж нэр бүхий зарим дасгалжуулагч, тамирчдыг тус хуралд оролцуулахгүй байхаар шийдвэрлэжээ.
Тодруулбал МЧБХ-ны удирдлагууд Лондонгийн олимпоос Риогийн олимпийн цикльд шигшээ багийн ахлах дасгалжуулагчаар ажилласан МУГТ, дасгалжуулагч Ц.Цогтбаяр, дасгалжуулагч Л.Энхбаяр, Ц.Хосбаяр МУГТ Г.Мандахнаран, П.Орхон, С.Цэрэнчимэд зэрэг шигшээ багийн шилдэг тамирчдыг хуралд оролцох мандат олгоогүй байна. Үүнийг эсэргүүцсэн тэд хэд хоногийн өмнөөс мэдээлэл хийж байсан ч тусыг эс олсон. Улмаар хурал болох газарт товлосон цагт ирсэн ч МЧБХ-ны удирдлагууд цагдаагийн хамгаалалт авч, тэднийг танхимд нэвтрүүлсэнгүй.
Спорт холбоодууд олимпиос хойшхи 90 хоногт багтан хуралдаж, дөрвөн жилийн тайлангаа хэлэлцэн, дараагийн олимпод бэлтгэх үндсэн зорилгоо тодорхойлдог жишиг бий. Олон улсын холбоод ч, дотоодын холбоод ч энэ чиглэлийг барьж ажилдаг.
Энэ дагуу спортын холбоодоос Рио-2016 олимпийн дараа одоогийн байдлаар ганцхан Жүдо бөхийн холбоо есдүгээр сарын 14-ний өдөр Их хурлаа хийж, холбооны удирдлагуудаа сонгож, дотоод асуудлаа ярилцаад байгаа.Тэгвэл дотроо хамгийн халуун маргаантай, өнгөрсөн дөрвөн жилийн турш бараг үл ойлголцол дунд ажиллаж ирсэн Монголын чөлөөт бөхийн холбооны хурал сүр дуулиантай өнөөдөр эхэллээ.
Холбооны Их хурлаар холбооны ерөнхийлөгчийн сонгууль явуулж, одоогийн удирдлага Д.Дагвадоржид итгэл хүлээлгэх эсэхийг шийдэж, 2016 оны олимпийн амжилт, ирэх дөрвөн жилд олимпийн наадамд хэрхэн бэлтгэх мөн дотооддоо үүсээд буй асуудлаа хэлэлцэх учиртай. Иймд МЧБХ-ны их хурлыг олон нийт ихээхэн сонирхож байгаа.
Тодруулбал МЧБХ-ны удирдлагууд Лондонгийн олимпоос Риогийн олимпийн цикльд шигшээ багийн ахлах дасгалжуулагчаар ажилласан МУГТ, дасгалжуулагч Ц.Цогтбаяр, дасгалжуулагч Л.Энхбаяр, Ц.Хосбаяр МУГТ Г.Мандахнаран, П.Орхон, С.Цэрэнчимэд зэрэг шигшээ багийн шилдэг тамирчдыг хуралд оролцох мандат олгоогүй байна. Үүнийг эсэргүүцсэн тэд хэд хоногийн өмнөөс мэдээлэл хийж байсан ч тусыг эс олсон. Улмаар хурал болох газарт товлосон цагт ирсэн ч МЧБХ-ны удирдлагууд цагдаагийн хамгаалалт авч, тэднийг танхимд нэвтрүүлсэнгүй.
Спорт холбоодууд олимпиос хойшхи 90 хоногт багтан хуралдаж, дөрвөн жилийн тайлангаа хэлэлцэн, дараагийн олимпод бэлтгэх үндсэн зорилгоо тодорхойлдог жишиг бий. Олон улсын холбоод ч, дотоодын холбоод ч энэ чиглэлийг барьж ажилдаг.
Энэ дагуу спортын холбоодоос Рио-2016 олимпийн дараа одоогийн байдлаар ганцхан Жүдо бөхийн холбоо есдүгээр сарын 14-ний өдөр Их хурлаа хийж, холбооны удирдлагуудаа сонгож, дотоод асуудлаа ярилцаад байгаа.Тэгвэл дотроо хамгийн халуун маргаантай, өнгөрсөн дөрвөн жилийн турш бараг үл ойлголцол дунд ажиллаж ирсэн Монголын чөлөөт бөхийн холбооны хурал сүр дуулиантай өнөөдөр эхэллээ.
Холбооны Их хурлаар холбооны ерөнхийлөгчийн сонгууль явуулж, одоогийн удирдлага Д.Дагвадоржид итгэл хүлээлгэх эсэхийг шийдэж, 2016 оны олимпийн амжилт, ирэх дөрвөн жилд олимпийн наадамд хэрхэн бэлтгэх мөн дотооддоо үүсээд буй асуудлаа хэлэлцэх учиртай. Иймд МЧБХ-ны их хурлыг олон нийт ихээхэн сонирхож байгаа.
Б.Сансар
olloo.mn
olloo.mn