Эрчим хүчний сайд П.Ганхүү 2016–2017 оны өвөл хүйтрэх төлөвтэй байгаа учраас эрчим хүчний салбарынханд онцгой бэлэн байдалд ажиллахыг үүрэг болгосон байна.

Тэрбээр “Монгол Улсын эрчим хүчний найдвартай ажиллагааг хангах асуудал хамгийн чухал юм. Бидний эхний ээлжийн анхаарах асуудал бол эрчим хүчээ найдвартай түгээж, гал алдуулахгүй байхад анхаарах ёстой. Тиймээс Багануур, Чойрын чиглэлийн шугамуудыг яаралтай ашиглалтад оруулна" гэлээ. Мөн энэ онд манай улс ОХУ-аас 176.3 сая кВт.цаг,  БНХАУ-аас нэг тэрбум 90 сая кВт.цаг эрчим хүч импортолжээ. Харин ОХУ руу 24.2 сая кВт.цаг эрчим хүч  экспортолсон байна.