Олон улсын жүдо бөхийн холбооны 2016 оны сүүлийн Гран При ангиллын тэмцээн манай урд хөршийн Чиндао хотноо эхэллээ. Дэлхийн чансаа олгох тус тэмцээнд 15 орны эрэгтэй 85, эмэгтэй 70, нийт 155 жүдоч өрсөлдөж буй бөгөөд манай улсаас 13 тамирчин оролцож байна.

Тэмцээний эхний өдөр буюу өнөөдөр манай гурван бөх зодоглосноос, эрэгтэйчүүдийн 60 кг-ын жинд гавьяат тамирчин Дашдаваагийн Амартүвшин алтан медалийн болзол хангалаа. Тэрбээр аваргын төлөө Оросын бөх Ислам Яшуевтай барилдаж, цэвэр яллаа.

Түүний хувьд хятад, тайваний жүдочдыг дараалан ялж, финалд шалгараад байсан юм.