Ардчилсан намын ҮЗХ-ын хурал өчигдөр эхэллээ. УИХ, орон нутгийн сонгуульд дараалан ялагдал амссан АН-ын хувьд ҮЗХ-оо хуралдуулах гэж нэлээд юм болсон. Хэд хэдэн удаа хурлын тов гаргаад байсан ч тодорхойгүй шалтгааны улмаас хойшилсоор өчигдөр эхэллээ. ҮЗХ-ны хурлаараа сонгуулийн үр дүнгийн талаар болоод ирэх сард хуралдах их хурлаар хэлэлцэх асуудал, цаашлаад намын даргаа сонгох асуудал зэргийг хэлэлцэхээр төлөвлөөд байгаан.
Гэвч өчигдөр эхэлсэн ҮЗХ-ны хуралд АН-ын лидерүүдээс нэг нь ч үзэгдсэнгүй. Тодруулбал намын дарга асан З.Энхболд, Ерөнхий сайд асан Ч.Сайханбилэг, ЗГХЭГ-ын дарга асан С.Баярцогт, Шинэчлэлийн Засгийн газрын тэргүүн асан Н.Алтанхуяг нар ҮЗХ-ны хуралд ирсэнгүй.
Тэдний хувьд АН ялалт байгуулсан дөрвөн жилд хамгийн том албан тушаалуудыг хашиж байсны хувьд сонгуулийн дүнг хэлэлцэх энэ чухал хуралд суух ёстой хэмээн үзэх намын гишүүд байсан юм. Хэвлэлийнхэн ч тэднийг эрж сураглаж, намын нөхдөөс нь асууж байлаа. Үүний хариуд АН-ын Ерөнхий нарийн бичгийн дарга Л.Эрхэмбаяр “Бид ҮЗХ-ны бүх гишүүдэд мэдээлэл хүргэсэн. Лав л ирэхгүй гэж хэлээгүй” гэлээ. Түүний хэлснээс үзэхэд тэд ямартай ч эх орондоо байгаа бололтой.
Сонгуулийн дараа тэднийг АНУ-руу суралцахаар явсан гэх мэдээлэл гарч байсан билээ. С.Баярцогтын хувьд хэрэв сонгуульд ялагдвал дараагийн дөрвөн жилд гадаадад суралцах төлөвлөгөөтэй байгаа тухайгаа ярьж байсан билээ. Тэгэхээр АН-ын ялагдсан ирэх жилүүдэд намын ажилдаа төдийлөн оролцохгүй байхаар шийдсэн бололтой.
З.Энхболдын тухайд “эхнэрээ эмчлүүлэхээр БНСУ-руу явсан. ҮЗХ-д ирэхгүй. Ирэх сарын 6-нд болох намын Их хуралдаа баттай ирнэ” гэж Л.Эрхэмбаяр хэлэв.
Харин Ерөнхийлөгчийн сонгуульд нэр дэвшихээ зарлаад байсан Н.Алтанхуягийг ҮЗХ-ын хуралд ирээгүйг хэн ч хэлж мэдэхгүй байна. Ямартай ч түүний эхнэр болоод төрсөн дүүг нь хилээр гаргахыг хориглоод байгаа юм.
Б.Сансар
Гэвч өчигдөр эхэлсэн ҮЗХ-ны хуралд АН-ын лидерүүдээс нэг нь ч үзэгдсэнгүй. Тодруулбал намын дарга асан З.Энхболд, Ерөнхий сайд асан Ч.Сайханбилэг, ЗГХЭГ-ын дарга асан С.Баярцогт, Шинэчлэлийн Засгийн газрын тэргүүн асан Н.Алтанхуяг нар ҮЗХ-ны хуралд ирсэнгүй.
Тэдний хувьд АН ялалт байгуулсан дөрвөн жилд хамгийн том албан тушаалуудыг хашиж байсны хувьд сонгуулийн дүнг хэлэлцэх энэ чухал хуралд суух ёстой хэмээн үзэх намын гишүүд байсан юм. Хэвлэлийнхэн ч тэднийг эрж сураглаж, намын нөхдөөс нь асууж байлаа. Үүний хариуд АН-ын Ерөнхий нарийн бичгийн дарга Л.Эрхэмбаяр “Бид ҮЗХ-ны бүх гишүүдэд мэдээлэл хүргэсэн. Лав л ирэхгүй гэж хэлээгүй” гэлээ. Түүний хэлснээс үзэхэд тэд ямартай ч эх орондоо байгаа бололтой.
Сонгуулийн дараа тэднийг АНУ-руу суралцахаар явсан гэх мэдээлэл гарч байсан билээ. С.Баярцогтын хувьд хэрэв сонгуульд ялагдвал дараагийн дөрвөн жилд гадаадад суралцах төлөвлөгөөтэй байгаа тухайгаа ярьж байсан билээ. Тэгэхээр АН-ын ялагдсан ирэх жилүүдэд намын ажилдаа төдийлөн оролцохгүй байхаар шийдсэн бололтой.
З.Энхболдын тухайд “эхнэрээ эмчлүүлэхээр БНСУ-руу явсан. ҮЗХ-д ирэхгүй. Ирэх сарын 6-нд болох намын Их хуралдаа баттай ирнэ” гэж Л.Эрхэмбаяр хэлэв.
Харин Ерөнхийлөгчийн сонгуульд нэр дэвшихээ зарлаад байсан Н.Алтанхуягийг ҮЗХ-ын хуралд ирээгүйг хэн ч хэлж мэдэхгүй байна. Ямартай ч түүний эхнэр болоод төрсөн дүүг нь хилээр гаргахыг хориглоод байгаа юм.
Б.Сансар
olloo.mn