Ирэх пүрэв гаригт буюу энэ сарын 17-ны өдөр МУГЖ Г.Ариунбаатар Өмнөд Солонгос улсын Сонгнам хотын дуурийн театрт урилгаар дуулахаар болсон байна.

Тэрбээр "Кармен" дуурийн "Escamillo"-гийн дүрд тус өдрийн 19:30 цаг, бямба гаригийн 15:00 цагуудад тус тус тоглох ажээ.

Тоглолтын тасалбарын үнэ суудлаасаа хамаарч 25-200 мянган вон юм байна.

Францын хөгжмийн зохиолч Жорж Бизегийн “Кармен” дуурь 1875 онд анх Парис хотод тоглогдсоноос хойш дэлхийн олон орны тайзнаа 130 жилийн турш тавигдсаар иржээ.