Увсын Халамж, хөдөлмөрийн газрын ажилчдыг хоморголон халжээ
Увс аймгийн Халамж, хөдөлмөрийн газрын дарга Д.Цогт-Очир энэ сарын 3-нд төрийн захиргааны болон үйлчилгээний 37 ажилтнаа ажлаас халсан байна.

Дээрээ хоёр яам нийлсэн учраас орон нутагт байгаа хэлтсүүд нэгдэж, бүтэц, орон тоо нь шинэчлэгдсэний дагуу ийм шийдвэр гаргалаа хэмээн энхүү шийдвэрээ тайлбарлаж байгаа аж. Хөдөлмөрийн хэлтэс 25, Халамжийн хэлтэс 19 сумын байцаагчтайгаа нийлээд 60-аад ажилтантай байна. Шинэ бүтцээр бол Халамж, хөдөлмөрийн газар нь дотроо гурван албатай, орлогч даргатай, нийтдээ 50 гаруй ажилтантай байх албан бус мэдээ байна. Одоогоор Халамжийн хэлтсийн дарга томилогдоогүй, Хөдөлмөрийн хэлтсийн даргаар Ц.Гантөмөр, нярваар Б.Отгонбаяр нар гаднаас томилогджээ. Мөн харуулууд болон үйлчлэгчийг өөрчилсөн байна. Ерөнхийдөө 14 хүнийг гаднаас авахаар болж, заримыг нь ажилд томилоод байгаа аж.

Ажлаас халагдсан хүмүүсийн төлөөлөл болох 11 хүн өнгөрсөн баасан гарагт олон нийтэд хандаж хэвлэлийн бага хурал хийв.

Ажлаас халагдсан хүмүүс нь 25-35 насны залуучууд байна. Одоогоор Увс аймгийн 19 сумын наймынх нь хөдөлмөр, халамжийн асуудал хариуцсан байцаагч ажлаа өгчээ. Ажлаас чөлөөлөгдсөн 37 хүний дотор жирэмсэн эмэгтэй хоёр, хөгжлийн бэрхшээлтэй иргэн нэг, 0-2 хүртэл настай хүүхэдтэй эмэгтэй нэг байгаа аж. Хөдөлмөрийн хэлтсийн үйлчлэгч нь хоёр оюутантай, өөрөө хөгжлийн бэрхшээлтэй, өндөр настай ээжтэйгээ хамт амьдардаг, өрх толгойлсон ганц бие эмэгтэй байсан бөгөөд түүнийг ч гэсэн ажлаас чөлөөлж оронд нь өөр хүн авсан байна.

Хамгийн хачирхалтай нь ажлаас халагдсан хүмүүс Нийгмийн даатгалын хэлтсээс ажилгүйдлийн тэтгэмж авахаар очиход хариуцсан мэргэжилтэн нь “Та нарын энэ тушаалаар ажилгүйдлийн тэтгэмж олгох нөхцөл үүсээгүй байна, харин та нарт тухайн байгууллагаас гурван сарын тэтгэлэг олгох тушаал гаргасан байна. Хэрвээ халагдсан тушаалаа аваад ирвэл тэтгэмж олгоход бэлэн” гэсэн байна. Гэтэл энэ асуудлаар аймгийн Нийгмийн даатгалын хэлтсийн дарга Н.Даваадорж Халамж, хөдөлмөрийн газрын дарга П.Цогт-Очиртой утсаар ярьж тохиролцон ажлаас халагдсан хүмүүст тэтгэмж олгохоор болсон байна. Өөрөөр хэлбэл, хариуцсан мэргэжилтэн нь болохгүй гээд гаргаж байхад дарга нар нь утсаар яриад тэтгэмж олгохоор болж байгаа нь хууль зөрчсөн, төрийн ажил амаар явдаг болсны бодит жишээ хэмээн тэд үзэж байв.

Эдгээр хүмүүсийн тавьж байгаа гол шаардлага бол ажлаас халагдсан тушаалаа авах, байгууллагынхаа бүтэц, орон тоог тодорхой мэдэх, гаднаас бус хуучин хүмүүсээ ажилд авах, төрийн ажлыг амаар биш цаасаар явуулах, Д.Цогт-Очир дарга өөрөө хэвлэл мэдээллийн хэрэгслээр албан ёсны тайлбар хийх ёстой гэсэн шаардлагуудыг тавьж байгаа аж. Гэвч аймгийн Халамж, хөдөлмөрийн хэлтсийн дарга Д.Цогт-Очир одоогоор Увс аймагт байхгүй гэнэ. Энэ хооронд ажилгүйдлийн тэтгэмж авах хүмүүсийн 14 хоногийн хугацаа дуусгавар болох учраас яаралтай арга хэмжээ авах шаардлагатай байгаа аж.  

“Ажлаас халагдсан бүх хүмүүс эвлэлдэн нэгдсэн. Бидэнд ямар ч намын харъяалал, гишүүнчлэл байхгүй. Нэг хүний цаана хоёр хүн гэхээр 120 гаруй хүний амьдрал баталгаагүй болж байна. Бид бүгдээрээ төрийн албан хаагчийн шалгалтад орж тэнцээд тангараг өргөцгөөсөн. Бас олонх маань цалингийн болон байр сууцны зээлтэй. МАН-ын мөрийн хөтөлбөртөө залуучуудыг ажлын байраар хангана гэчихээд төрд олон жил ажилласан, туршлагатай төрийн албан хаагчдыг ажилгүй болгож байгаа нь мөрийн хөтөлбөрөө харлуулсан үйл ажиллагаа боллоо” хэмээн Хөдөлмөрийн хэлстийн ахлах мэргэжилтэн байсан Д.Зоригтбаатар хэллээ.

Тэд, Өргөдлийн байнгын хороо, Төрийн албаны зөвлөл, Захиргааны хэргийн шүүх зэрэг байгууллагад шат дараатайгаар хандахаа илэрхийллээ.
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • ХАЛХ 2016-11-14 13:31:35
    УВСЫНХАН ТА НАРЫН ӨӨРСНИЙ СОНГОЛТ, ӨӨДӨӨ ШИДСЭН ЧУЛУУ ӨӨРСДИЙН ЧИНЬ ТОЛГОЙ ДЭЭР БУУЖ БАЙГААГЫН НЭГХЭЛБЭР ДЭЭ.КК
  • Tseverle 2016-11-14 07:27:51
    Mash zob. AN-iin yalgadasuudiig yter tyrgen tseverle. Ingehgyi bol mongoliin tor bohir hebeer baina,
  • зочин  2016-11-14 06:07:30
    төрийн албаны залгамж халаа гэсэн үг бүр үгүй болж дээ орон тоо үнэхээр байхгүй бол энэ хүмүүсийг яалтай билээ
  • Pizdaa chi 2016-11-14 04:35:35
    HOHICHIN TA NAR ALTANHUAGAA SONGOHGYI YASIN HOHI CHINEEE
  • bi 2016-11-14 04:03:26
    2012 онд энэ үйлдэл хэрээс хэтэрч зүгээр ажлаа хийж байсан бүр чадварлаг хүнйг хүртэл халж байсан.Та нар АН-даа л гомд.Нийгэмд ийм буруу хэвшлйг тэд бий болгосн...
  • zochin 2016-11-14 03:56:13
    Увсынхан Улаанбаатарын долдой нараас зоригтой юм байна даа. Зөв зөв. 2012 онд Улаанбаатарын байгууллага болгонд хууль бус орон тоо нэмсэн. Одоо тэр нь хэвээрээ....
  • ЮМАНД ҮНЭН БАЙЖ СУР  2016-11-14 02:55:08
    АН ын үед ямар ухамсартай ямар боловсролтой амьтадаар ТӨРИЙН АЛБЫГ дүүргэсэн билээ сайн САНАДАА түнийг чинь ширхэг эд эс үлдээлгүй цэвэрлэх хэрэгтэй ЗӨВ ЗӨВ
  • Зочин 2016-11-14 01:33:53
    Орсон зам тань хууль бус бол гарах зам тань тодорхой, АН өнгөрсөн 4 жил арай л байсан даа, ТАЗ гэж унтаа газар, юу болоод байгааг мэддэг л баймаар юм
  • Зочин 2016-11-14 00:22:19
    Ажилдаа идэвх санаачлагаггүй байсан болоод халагдсан байх да. Бусдаас өө хайх яах вэ. Би яагаад халагдав гэдэгтээ дүгнэлттэй хандах нь зөв байх.
  • зочин  2016-11-14 00:05:28
    Ямар замаар ирсэн тэр замаараа л явцгаах хэрэгтэй ш тээ.
  • зочин 2016-11-13 23:58:20
    Та нар бас л баахан хун халж ажилд орсон шуу дээ. Одоо ээлж ирж дээ.