Мансуурагчдын тоо 3.4 хувиар өсчээ
Мансууруулах эм, сэтгэцэд нөлөөт бодистой холбоотой гэмт хэрэгт энэ оны эхний 10 сарын байдлаар 76 хэрэгт 176 хүн холбогдон шалгагдсан байна.
 
Нийслэл хотод насанд хүрээгүй хүмүүс газ, мансууруулах төрлийн бодис үнэрлэсэн гэх дуудлага мэдээлэл энэ оны эхний 10 сарын байдлаар 30 бүртгэгдсэн нь өмнөх оны мөн үетэй харьцуулахад 5 нэгжээр буюу 3.4 хувиар өссөн дүнтэй байна.
 
Иймд хүүхэд, залуучуудыг мансууруулах төрлийн бодис, эм бэлдмэл хэрэглэхээс урьдчилан сэргийлэх, хор холбогдлыг нь ухуулан таниулах зорилгоор Хууль зүй, дотоод хэргийн яам, Улаанбаатар хотын цагдаагийн газар, Эрүүгийн цагдаагийн газрын Хар тамхитай тэмцэх хэлтэс, “Цагаан соён” төрийн бус байгууллага хамтран “Мансууралгүй ирээдүй” аяныг 2016 оны 10 сарын 01-нээс эхлэн өрнүүлж байна.
 
Арга хэмжээний хүрээнд Нийслэлийн ерөнхий боловсролын газар, Сэтгэцийн эрүүл мэндийн үндэсний төвтэй хамтран сургуулийн нийгмийн ажилтнуудад зориулсан хүүхдийг хар тамхи, мансууруулах бодис, сэтгэцэд нөлөөлөх эм бэлдмэлээс урьдчилан сэргийлэх нь сэдэвт сургалт зохион байгуулж байна.
 
Сургалтыг зохион байгуулснаар хар тамхи, мансууруулах бодис, сэтгэцэд нөлөөлөх эм бэлдмэл гэж юу вэ, энэ төрлийн гэмт хэргийн ойлголт, түүнээс сэргийлэх арга зам, эрүүл мэндэд нөлөөлөх хор уршгийн талаар багш сурган хүмүүжүүлэгч нарт  ойлгуулж өгсөнөөр өсвөр насны хүүхдүүдийг энэ төрлийн гэмт хэрэг, зөрчил болон эрх ашиг нь хохирохоос урьдчилан сэргийлэхэд үр дүн үзүүлэх юм.
 
Цаашид аяны хүрээнд Нийслэлийн ерөнхий боловсролын сургуулиудад "Хар тамхи мансууруулах бодисын хор уршиг"-ийг таниулах сургалт, хүүхэд залуусыг "Мансууралгүй ирээдүй" аянд нэгдэж эрүүл амьдралын хэвшилтэй болгохыг уриалсан арга хэмжээнүүд шат дараатайгаар үргэлжлэн явагдана. 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Ohid Howguudee Ta ooroo l hamgaalna!!!  2016-11-14 00:38:02
    Bi Chi geltgui buh Aaw Eejuud Ohinoo Huugee harj ajiglaj ymar huuhedtei niileed b na yu heregleed baigaag sain ajiglaarai ene bugd gadnaas zohion baiguulalttai ...
  • Мон 2016-11-13 14:53:08
    Дээрээ суудлаа олохгуй байхад доороо хар тамхины улам нэмэгдэнэ
  • Батаа 2016-11-13 04:26:58
    Мансуурах одоо нэг хэсэг хүмүүсийн хэрэглээ болсоон төр засаг хууль тогтоогчид юу ч хийсэнгүй өдий хүрлээ