Дэлхийн шилдэг гэрэл зураг: Тундрын хүү

Дэлхийн шилдэг гэрэл зураг шалгаруулах “Sony World Photography Awards-2017” наадмын шалгаруулалт аль хэдийнэ эхэлж,   дэлхийн өнцөг булан бүр дэх гэрэл зурагчид шилдэг бүтээлээ сойж эхэлжээ.  Тиймээс  өнөөдрийн буландаа 2015 оны тус наадмын “Хүмүүс” төрөлд хоёрдугаар байр эзэлсэн “Тундрын хүү” зургийг хүргэж байна. 

Энэ зургийг Симон Моррис Сибирийн Ямалын бүс нутагт авчээ. Цас мөсний оронд гэгддэг Тундрт цаа буга маллан аж төрдөг гэр бүлд долоо хоногийн турш урцанд хоноглон амьдрах үедээ тэрбээр -40 хэмийн хүйтэнг үл ажран гадаа тоглон наадаж буй ненц хүүгийн зургийг авчээ. Хүйтэн цаг агаарт зурагчны камер ажиллахгүй нэлээд асуудал үүсгэж байхад, харин хүү арьсан малгай, дээлээ өмсөн тоглон наадаж байжээ.

Симон гурван гэрэл зургийн аппаратаа авч, цас мөсний оронг зорьжээ. Гэсэн ч, техник нь царцсаны улмаас ажиллаагүй бөгөөд ганц камер нь л ажиллаж байсан гэдэг. Ненц овгийнхон цаа буга маллаж, түүнийхээ ашиг шимээр амьдардаг үндэстэн юм.  Ямартай ч,  түүний авсан энэхүү гэрэл зураг 2015 оны  шилдэг бүтээлээр тодорч чадсан байна.
Монголын мэдээ
Б.Даваахүү
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.