Дөрвөн жил тутамд нэг удаа хуралддаг Монголын Боксын холбооны их хурлын тов гарчээ. Тус холбооны хурал арваннэгдүгээр сарын 21-ний 10:00 цагаас Монголын Үндэсний Олимпийн Хорооны хурлын танхимд болох юм байна.

Энэ удаагийн хурлаар холбооны болон боксын тамирчдын оролцсон тэмцээн, уралдааны тайланг хэлэлцэнэ. Мөн ирэх дөрвөн жилд тус холбоог удирдах холбооны ерөнхийлөгч, дэд ерөнхийлөгч, ерөнхий нарийн бичгийн даргыг тодруулах аж.