УИХ-ын чуулганы өнөөдрийн хуралдаанаар Засгийн газраас 2016 оны аравдугаар сарын 27-ны өдөр өргөн мэдүүлсэн “Эдийн засгийн хүндрэлийг даван туулах, тогтворжуулах хөтөлбөр батлах тухай” Улсын Их Хурлын тогтоолын төслийн хэлэлцэх эсэхийг хэлэлцэж байна.

Тогтоолын төсөлтэй холбогдуулан  холбогдуулан гишүүд асуулт асууж хариулт авч байна.

УИХ-ын гишүүн Ж.Ганбаатар: Манай улсад дотоод, гадаадаас авах авлага байна уу. Монгол Улсыг хөгжүүлэх хамгийн зөв гарц бол хямд өртөгтэй улс болгох. Гадны том корпорацууд Монголд ирээд үйлдвэрлэл байгуулахаар судлахдаа дандаа сөрөг мэдээлэл цуглуулаад буцдаг. Гадны том том корпорацуудын үйлдвэрлэлийг оруулж ирэх нөхцөл боломжийг бүрдүүлэх хэрэгтэй байна. Асуудлыг дандаа том төвшинд, онолын юмнууд ярих юм.  Эдийн засгийн хөгжүүлэхийн тулд  том корпорацуудын үйлдвэрлэлийн Монголд байгуулж, хямд өртөгтэй улс болгох ёстой. Татвар, цалин яриад өндөр өртөгтэй улс болгох гээд байх юм бол өр зээлээс хэзээ ч салахгүй. Монголд үнэтэй брэндүүдийг хямдхан хийх боломж байна. Үүнийг компанийн захирлууд хэлж байна. Хятад Оросын жуулчид Монголчууд ирээд үнэтэй брэндийг хямд өртгөөр авах боломж хангах хэрэгтэй.

Сангийн сайд Б.Чойжилсүрэн: Засгийн газрын 1990 оноос хойш 2,9 их наяд төгрөгийн авлага хуримтлагдсан байгаа. Дотоод 118 тэрбум төгрөгийг эргүүлэн авахаар ирэх оны төсөвт тусгасан. Өчигдөр  төсвийн хоёрдугаар хэлэлцүүлгийн үед 10 тэрбум төгрөг нэмэгдэж оруулж ирсэн.  Гадаад авлага байхгүй. Монголд яагаад үйлдвэрлэл орж ирэхгүй байна вэ? Гадаадын хөрөнгө оруулагчийг хамгаалах тогтвортой тууштай бодлоготой байх хэрэгтэй байна. Эрх зүйн орчныг бий болгохын тулд хуулийн төслүүдийг хэлэлцэнэ.

П.АНИР
Оллоо.мн