Азийн хөлбөмбөгийн холбооны "Solidarity Cup 2016" тэмцээн өчигдөр Малайз улсад эхэллээ. Монголын шигшээ баг В хэсэгт багтсан бөгөөд эхний тоглолтоо Макаогийн шигшээ багтай өчигдөр хийлээ. Тус тоглолтод манай шигшээ 2:1-ийн харьцаагаар ялагдал хүлээсэн. Монголын шигшээ багаас нэр төрийн гоолыг 29 дэх минутанд М.Төгөлдөр Макаогийн хаалганд оруулсан байна.

Манай шигшээ энэ ням гарагт Шри Ланкатай, арваннэгдүгээр сарын 9-нд Лаос улсын шигшээтэй тоглоно. Хэрэв дараагийн хоёр тоглолтдоо хожиж чадвал хэсгээсээ гарч, тэмцээнийг үргэлжлүүлэх боломжтой юм.

"Solidarity Cup 2016” тэмцээнд Хойд хөршид зохиогдох Дэлхийн аваргын урьдчилсан шат болон 2019 оны Азийн аваргад оролцох эрхгүй болсон улсууд оролцож байгаа юм.