Урд хөршөөс урт хугацаатай зээл авах нь зөв үү
Манай улс ирэх онд зээлийн үйлчилгээнд 6.6 их наяд төгрөг төлнө, энэ нь төсвийн орлогоос давсан үзүүлэлт учраас ийм хэмжээний бонд гаргах, эсвэл зээл авах хэрэгтэй болсон хэмээн Сангийн сайд мэдэгдсэний дагуу эрх баригчид мөнгөний эрэлд гарсан. 
 
Энэ дагуу Монгол Улсын эдийн засаг ямар түвшинд  байгааг судалж, “Стэнд бай” хөтөлбөрт хамруулах шаардлагатай эсэхийг дүгнэх төлөөлөгчид  манай улсад ажиллаж буй.

Эрх баригчдын зүгээс “Стэнд бай”  хөтөлбөрт хамрагдах хүсэлтээ илэрхийлээд байгаа. ОУВС-аас гаргасан мэдэгдэлд  Монгол улс хэдий хэмжээний зээл хүсэж буй талаар дурдаагүй.Тэгвэл манай улс 1.5 тэрбум хүртэлх  ам.долларыг дээрх сангаас авахаар ярилцаж байгааг мэдээлжээ.Манай улс төрчдийн дунд ОУВС-аас зээл авах нь буруу БНХАУ-аас хүү багатай зээл авах ёстой гэж үзэж буй хүмүүс ч бас  байгаа юм.

ОУВС тавьдаг шаардлага, санхүүгийн сахилга батаа нэхнэ. Харин Хятадын зүгээс нөхцөл тавихгүй 3-4 тэрбум ам.долларын зээлийн тухай сураг ажиг сонсогдож байгаа.Японы Ерөнхий сайд манайханд олон улсын нийтлэг хөгжлийн зарчмаа баримтлаад ОУВС-тай хамтран хямралаас гарах нь зөв тухай зөвлөжээ.Харин Хятадын Ерөнхий сайд хямралыг давахад ах дүүгийн тусламж үзүүлнэ, элдэв хүнд нөхцөлтэй байгууллагуудтай хамтрахад шаардлага нь хэцүү байдаг тухай ярьж, хэлжээ.

Ямартай ч  Монгол улсын өр асар их хэмжээнд хүрч, эдийн засаг элгээрээ мөлхсөн хэмээн сүүлийн хэдэн сарын турш тоть шиг давтаж буй эрх баригчид энэ удаад ямар шийдвэр гаргах нь олон нийтийн анхааралд ороод байна. Урд хөршөөс үү, ОУВС-аас зээл авах уу  гэдэг хүндхэн сонголтыг тэд ойрын өдрүүдэд хийнэ. Чухам эдгээрийн аль нь зөв гарц гаргалгаа вэ гэдгийг шийдэх амаргүй ажил тэдэнд байна. Тэгвэл зарим эдийн засагчид БНХАУ-аас урт хугацаатай хүү багатай зээл авах нь тус улсын хэт хараат болох талтай хэмээн үзэж байна. 

Тухайлбал МУИС-ийн Эдийн засгийн сургуулийн багш Л.Оюун хэлэхдээ “Хятадаас зээл авах асуудлыг бүх боломжоо шавхсаны дараа хамгийн сүүлийн хувилбарт тооцож ашиглаж болно. Түүнээс биш яг одоогийн нөхцөлд бол зохисгүй хэлбэр гэж үзэж байна. Мэдээж манай улс урд хөршөөс зээлийг томоохон төсөл хөтөлбөрүүдэд ашиглах зориулалтаар авч таарна. Хятадын зээлийн нөхцөлд анхаарууштай маш олон заалт тусах нь тодорхой. Хятадад одоо байхгүй юм гэж үгүй. Тэгэхээр “Танай улс манайхаас зээл авч байгаа юм чинь төсөл хэрэгжүүлэхэд шаардагдах ажиллах хүч, бараа бүтээгдэхүүн, техник технологио бүгдийг нь манайхаас ав” гэж шууд тулгах асуудал яригдана. Энэ тохиолдолд бид урдаас авсан зээлээрээ эргүүлээд тус улсаас худалдан авалтаа хийх замаар явахаас өөр гарцгүй болно” гэлээ.  

Мөн гадны сайтуудад БНХАУ-аас зээл авах нь манай улсад геополитикийн хувьд хор хөнөөлтэй гэдгийг мэдээлж байна. Тэд Монголын улс төрчид Хятадын зээл ямар их тулган шаардалт дагуулдгийг бусад орнуудын жишээнээс хараагүй бололтой. Тэдний зээлийн нөхцөл нь ил тод биш, далдуураа Монголын эдийн засаг, геополитикийн ирээдүйд хор хөнөөлтэй арга зам юм гэж бичжээ.
Б.Сансар
olloo.mn
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Saraa 2016-10-27 11:16:07
    Avsan hulgailsan munguu l ugul du twgeed uruu daral da tuunes hytadaas mungu avbal mongolin ard tumen mash ih zovndo
  • Dorj  2016-10-27 11:08:58
    2023 ond mongol hytadin medeld buren orno harj l baigarai 2018 ond delhiin ediin zasag gun hymrald orno ene hymral buten 10 jil bolno mongol d buh ym suirne bu...
  • kkkk 2016-10-27 02:22:07
    Tegsneees. Neg muj n boldon deeeteredeee
    103.229.120.250
    Мэдэгдсэн Хариулах
  • Аялал 2016-10-26 10:01:07
    итгэлт хамба улан удэ хотын аялал 2016 оны 10 дугаар сарын 28-нд гарна. Байр хоол унаа нийт 100.000 болж хямдарлаа. 99173707, 85657070 Азийн аялал ХХК
  • Зочин 2016-10-26 07:14:24
    Зээл авах нь зөв, хичнээн хурдан Хятадын мэдэлд очно, Монголд ашигтай гэж Элбэгдорж, Миеэ нар айлдаж байна
  • Zochin 2016-10-26 04:58:16
    Zeel avah zov avsan zeelee ashigtai zov zartsuulah heregtei.AN han shig zam taviad tsetseg tarisaan geed teneg zuil hiihgui bh heregtei.5jiles desh mashin buuor...
  • Иргэн 2016-10-26 03:52:23
    Авахгүй гээд яах юм. Хаанаас мөнгө олох юм. Авсанаа өмнөх шигээ хулгайлж л болохгүй шүү.
  • Зочин 2016-10-26 03:48:42
    Сансар мэдээ ч олигтой бичиж чадахгүй байж ийм том юм бичиж болж байгаа юмуу, ТВ9-ийн хэлгүй хүү шиг өр, зээл, сонгуулийн санал тэнцэхийг ч ялгахгүйтэй адил
  • chono 2016-10-26 03:15:26
    OT oos sain tatvar avaaacheee .......HAA ruu sain horongo oruuulalt hiigeeecheee
  • эрка 2016-10-26 01:54:57
    Улайчихсан данстай улс байж зээл дэмий гэж тэнэгтээд яахав.Болсон болоогуй онол ярьсан, амьдралдаа нэг хүн ажиллуулж цалин өгч узээгуй юмнууд юү ч ойлгохгүй...
  • hghf 2016-10-26 01:29:50
    зээлгүйгээр бас ч амьдраад байх арга байгаа шүү. улс төрчид хулгайчдаасаа мөнгөө эргүүлэн татаж шинэ удирдагчид гарга жирэх хэрэгтэй.