Бергманн групп цэвэрлэх байгууламж барих санал тавив

Нийслэлийн Засаг даргын Дэд бүтэц хариуцсан орлогч П.Баярхүү ХБНГУ-ын Бергманн группын Ерөнхийлөгч Ларс Бергманн болон Фраунхоферийн систем техникийн хэрэглээний төвийн дарга Ш.Бүрэн нарыг хүлээн авч уулзлаа.

Уулзалтын эхэнд Ш.Бүрэн “Бергманн групп нь 2006 оноос хойш ХБНГУ-ын Боловсролын яамны санхүүжилтээр Дархан хот, Хараа голын сав газарт “Төв Азийн усны нөөцийн нэгдсэн менежмент загвар бүс нутаг Монгол” нэртэй “МОМО-1”, “МОМО-2” төслийг амжилттай хэрэгжүүлж, одоо “МОМО-3” төслийг хэрэгжүүлэхээр БОНХЯ, БХБЯ-тай тохиролцоод байгаа. Уг төсөл нь хүн амын усан хангамжийг сайжруулах, ариутгах татуурга суурилуулахад чиглэгдэж байгаа юм” гэдгийг нийслэлийн Засаг даргын орлогч П.Баярхүүд танилцууллаа. Мөн цаашдаа Улаанбаатар хотын төвлөрсөн бус систем бүхий гэр хороолол, хотхон болон Улаанбаатар хотын дагуул хотуудын хүн амын усан хангамжийг сайжруулах, ариутгах татуурга бүхий, бие даасан цэвэрлэх байгууламж барих боломж, суурилуулалтын дараах цогц үйлчилгээ, хяналтын системийн талаар санал солилцов. Бергманн группын ерөнхийлөгч Ларс Бергманн “Манай групп Монгол Улсад 20-иод бага оврын цэвэрлэх байгууламж барьсан. Одоо ажиллаж байгаа. Цаашдаа Улаанбаатар хотын төвийн шугамд холбогдоогүй цэцэрлэг, сургууль болон гэр хорооллын 10-20 айлыг нэгтгэсэн бага оврын цэвэрлэх байгууламж барих саналтай байна. Нэг цэвэрлэх байгууламж нь 5-5000 хүний бохирыг цэвэрлэх хүчин чадалтай юм. Хоёр жилд нэг удаа соруулж цэвэрлэдэг” гэдгийг хэллээ.

Нийслэлийн Засаг даргын орлогч П.Баярхүү “Цэвэрлэх байгууламж бол Улаанбаатар хотын тулгамдсан асуудлын нэг. Тиймээс бид та бүхний тавьж буй саналд  баяртай байна. Нийслэлийн үе үеийн удирдлагууд гэр хорооллын иргэд, оршин суугчдаа ая тухтай, эрүүл орчинд амьдруулахад анхааран ажилласаар ирсэн.  Бид танай байгууламжийн талаар судалж үзээд эргээд хариу өгөх болно” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • MoMo-iin hun 2016-10-18 08:49:33
    iim tseverleh baiguulamj 3n ailiin dund 1iig hiihed germandaa 5000 Euro boldog. Mongold yalimgui unetei bolno gesen sudalgaa garsan.
  • Ok 2016-10-18 07:03:00
    10 Ийм хийлгээд оорсдоо сураад авах хэрэгтэй
  • ! 2016-10-18 04:38:38
    Дарга нар хувьдаа ямар ашиг унахыг бодоод байлгүй наадах саналыг нь хүлээн аваад дэмжиж ажил болгоосой доо!!!!!
  • ЗОЧИН 2016-10-18 03:45:06
    чамд ямар ашиг байнаа ашиггүй бол чи монголын төлөө санаа тавих уу даа үгүй л байгаа даа
  • Zochin 2016-10-18 03:43:54
    Manaihan uursduu barij chadahguil yum bhdaa dotood nuuts bololtsoogoo ashigalhgui dan gadniihan gehiin
  • иргэн 2016-10-18 03:41:53
    ёстой зөв дэмжиж бна байртай айлууд алийн болгон шөнө өдөргүй үмхий оо-р амьсгалж амьдархав дэ төр үүнийгээ шийдчихээд хотоо барилгажуулмаар да
  • Зочин 2016-10-18 03:10:37
    Энэ чинь миссийн тэмцээн, нохойн спираль, Аз жаргалтай УБ эссэ бичлэгийг бодвол ажил хэрэгч санал байна