2016-10-13 10:10:50
Спорт 2
“Хоромхон” клубийг тэмцээнээс хасаж, таван сая төгрөгөөр торголоо

Монголын Хөлбөмбөгийн Холбооны цом 2016 тэмцээний аравдугаар сарын 11-ний өдрийн  хагас шигшээ тоглолт болох "Дэрэн" болон "Хоромхон" багуудын тоглолтын үеэр Хоромхон багын зарим тоглогчид болон албаны хүмүүс шүүгчийн бүрэлдэхүүнийг хэл амаар дормжилж, спортын бус авир гаргасан байна.

Тухайлбал, Хоромхон багийн эмч Н.Болор-Эрдэнэ нь талбайн туслах шүүгч Т.Галдансүхийн биед нь ноцтойгоор халдсан нь нотлогдож байгаа тул Монголын Хөлбөмбөгийн Холбооны Онцгой байдлын хороо хуралдаж дараахи шийдвэрийг гаргажээ. Үүнд:

Хоромхон клубыг:

1. Холбооны цом 2016 тэмцээнээс хасаж 5,000,000 төгрөгөөр торгох шийтгэлийг ноогдууллаа.

Багийн эмч Н.Болор-Эрдэнэд:
1. Хөлбөмбөгтэй холбоотой бүхий л үйл ажиллагаанд оролцох эрхийг 24 сараар хасаж 3,000,000 төгрөгөөр торгох шийтгэлийг оногдуулсан байна.

Мөн МХБХ-ны Сахилга бат, ёс зүйн дүрэм, Онцгой байдлын хорооны тогтоол болон спортын бус авир гаргасан бичлэгийг холбооны албан ёсны хуудсанд байршуулжээ.

Иймд баг тамирчид болон албаны хүмүүс Хөлбөмбөгийн холбооны дүрэм журмыг баримталж, fair play зарчмыг дагаж мөрдөхийг  МХБХ-оос уриаллаа.


 

Б.Орхон
olloo.mn

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2016-10-13 03:06:44
    Сахилга бат алдсан бол шийтгүүлэх нь зөвөө, харин хууль эрх зүйн хувьд ТББ-д торгох эрх хэн өгсөн юм бол, уул нь энэ эрх цөөхөн л хүнд байдаг баймаар
    • Зочин 2016-10-13 10:47:32
      ЭНЭ НЭГ БИЕЭ БАРЬДАГГҮЙ ТАВЬТАРГҮЙ САГСУУ ГЭДСЭЭ УНЖУУЛСАН ХООСОН ТОЛГОЙТОЙ ХӨЛДҮҮ ДУРАКУУД БАЙХАД ЯАЖ СПОРТЫН ЁС СУРТАХУУН СОЁЛ БИ БОЛОХ ВЭ ДЭЭ .