Миссийн тэмцээн, шоунд зориулах  мөнгөнөөсөө  замын ажилдаа зарцуулаач
Толгойтын зам толгойны өвчин болсоор олон жилийн нүүрийг үзсэн. Тав алхаад том том нүхнүүд үүссэн энэ замаар зорчсон жолооч бүр дахиж хэзээ ч энэ замаар явахгүй хэмээн ам гардаг. Зам засварын ажлыг  жил бүр хийнэ гэдэг ч санхүүгийн асуудлаас болоод хийж чадахгүй байсаар өдийг хүрсэн. 

Харин сонгуулийн өмнөхөн Орбитын уулзвараас-Толгойтын эцэс хүртэлх замыг өргөтгөн шинэчилж, төмөр бетонон гүүр барих нэрийдлээр тус чиглэлийн автобусны чиглэлийг хүртэл өөрчилж, сүр дуулиантай эхэлсэн замын барилгын ажил зогсчихлоо хэмээн Толгойтын оршин суугчид бухимдах болов. Автобусны чиглэл өөрчлөгдсөний улмаас иргэд 2-3 км гаруй газарт алхаж хөл дүүжлэх унаатай залгах болжээ. Яагаад сонгуулийн өмнөхөн хөрөнгө, санхүүжилт нь шийдэгдсэн зам барилгын ажил удааширч, царцсан ажлын тоог нэмэх болов гэдэг иргэдийн дунд асуултын тэмдэг хэвээр байна. 

Албаныхан  замын ажил зогсоогүй, хэвийн үргэлжилж буй гэх мэдээллийг өгч байна. Тодруулбал Нийслэлийн авто замын газрын дарга Ж.Тогтохбаяр “39, 48 метрийн урттай хоёр том гүүрийн ажил хийгдэж байгаа. Гүүр нь ашиглалтад орсны дараа хүйтэртэл замын ажил үргэлжлээд хийгдэнэ. Зарим аж ахуйн нэгж, шатахуун түгээх газар, айлууд газраа чөлөөлж өгөхгүйгээс ажил удаашраад байгаа юм. Түүнээс сүржигнээд байх асуудал биш. Гүүрийн ажил тасралтгүй явж байгаа. Ямар ч зогссон юм байхгүй. Энэ сарын сүүлээр хоёр гүүр ашиглалтад орно” гэлээ. 

Харин иргэд арай өөр байр зүйл ярьж байна. Тус дүүргийн иргэн Д.Мөнхжаргал “Энэ замыг ашиглалтад орохыг Толгойтынхон бүгд хүлээж байна. Аль өнгөрсөн зун  зам хааж, бөөн юм болсон. Гэтэл одоо болтол ашиглалтад ороогүй. Замын ажил нь бүр зогсчихсон байгаа. Асуухаар л санхүүжилт байхгүй гэдэг. Мөн замыг чинь шинэчилнэ, сайхан болгоно гээд автобусны чиглэлийг өөрчилчихсөн. Бид одоо доошоо гүүр рүү алхаж автобусанд сууж байгаа. 1-2 км алхаж хөл залгах унаатай болдог гэсэн үг. Удахгүй өвөл болно. Энэ үед яах вэ. Сургууль, цэцэрлэгийн жаахан хүүхдүүдтэй хүмүүс бүр л хэцүүдэнэ. Тэр бүр такси бариад байх мөнгө байхгүй хүмүүс чинь өвлийн хүйтэнд хүүхдээ дагуулаад 1-2 км алхана гэдэг хэцүү шүү дээ. Хувьдаа унаа тэрэгтэй хүмүүс ч гэсэн маш холуур тойрч, шатахууны үрж байна шүү дээ” гэв.  

Толгойтынхны олон жилийн мөрөөдөл болсон там болсон энэ замыг засах ажил эхэлсэн нь сайшаалтай ч хөрөнгө мөнгөний асуудлаас үүдэж  зам барилгын ажил нь нэлээд удааширч байгаа аж. Хэдийгээр гэрээ байгуулсан ч гүйцэтгэгч компаниуд нийслэлээс нэг ч төгрөг аваагүй байгаа бөгөөд ажлаа үргэлжлүүлэхийн  тулд техникээ барьцаанд тавьсан тухайгаа дуулгалаа.

Эдийн засгийн хямралаас үүдээд улс мөнгө төгрөггүй байгаа гэдгийг ойлгож болох ч нийслэлээс гаргах зүйлдээ мөнгө гаргаж байгааг бид харсан. Тухайлбал саяхан төв талбайд болсон “Улаанбаатарын намар”   шоу тоглолтод зориулж 100 сая,  дэлхийн 60 орны гоо бүсгүй оролцсон миссийн тэмцээнд зориулж 20 сая төгрөг нийслэлийн төсвөөс гаргасан нь ил болсон. Тэгвэл нийслэлийн 270 мянган хүн амьдардаг  дүүргийн иргэдийн тал хувь нь зорчдог уг замын ажилд нэг ч төгрөг одоо хэр нь өгөөгүй байгаа нь иргэдийн бухимдлыг хүргэж байна. Тэд миссийн тэмцээн, шоунд  зарцуулах болохоороо 100 саяар нь гаргачихаад иргэдэд хэрэгтэй замын ажилд болохоор нэг ч төгрөг өгөхгүй байгаа  нь ямар учиртай юм бэ хэмээн бухимдацгааж байна. 
 Б.Сансар
olloo.mn

.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • зочин 2016-10-12 07:17:50
    20 сая, 100 сая чинь зам засахад бутархай мөнгө л гэсэн үг шүүдээ, гэхдээ 500 000 төгрөгийн цалинтай 240 хүний сарын цалин гэхээр бас ч бага мөнгө биш л байна
  • зочин 2016-10-12 02:59:09
    Сонгосон бол хохь чинь Хэнийг хэн гэж таньж чадахгүй бол хулгайлуулаад л явах цаг
  • AN namiin komfani 2016-10-12 02:56:47
    AN hezee zam zassiin shaana biz. MAN zasalaa yu.AN ii komfaniudad sanhuujilt ni oldloo yu
  • Зочин 2016-10-12 02:55:03
    Толгойтынхон дараагийн сонгуулийг хүлээж дээ, сонгуулийн урд өдөр замаа нээгээд бүгд МАН-д саналаа өг гэнэ дээ цаадуул чинь
  • tolgoitiinhon 2016-10-12 02:50:26
    Tolgoitiinhon ta nar yu hiichihvee. Showchin MAH-d sanalaa ugchihsen bn shdee. Odoo oron nutagt bas hairt MAH -daa sanlaa ugnu. 4jil alhaad baij dee.uur yaahav...
  • Болд 2016-10-12 02:20:44
    АН уг зам засаад байдаг байсан одоо МАН шоудахаас өөр юм алга шүүдээ буцаад 2010 ондоо очсон юм шиг байна шүү
    • Зочин 2016-10-12 03:39:18
      Та нар АН зам зассан гэх юм. 2012 онд МАН-аас мөнгөтэй засгийг хүлээж аваад Чингис, Самурай бонд гэж 1,8 тэрбум доллар зээлээд 200 сая-аар нь зам тавьж хуурсан...
      • Зочин 2016-10-12 03:41:37
        АН зам тавьж байгаа нэртэй ард түмнийг хуураад ихэнх мөнгийг нь хувааж идсэн. МАН бол хэзээ ч ингэхгүй. МАН-ын үед эдийн засаг 17% өссөн. АН бүр дамдууруулсан.