Хүйтэн сэрүүний улирал эхлэхтэй зэрэгцэн хүн амын өвчлөл нэмэгдэж, цэцэрлэг сургуулийн хүүхдүүдийн дунд томуу, томуу төст өвчний дэгдэлт ихсэж байна. Дүүргийн эмнэлгүүдийн ачаалал эрс нэмэгдэж, өдөрт 180-200 хүүхэд хүлээн авч, эмнэлгийн тусламж үйлчилгээ үзүүлж байгаа аж.Ингээд үзүүлэхээр ирсэн хүүхдүүдийн ердөөн цөөн хувийг ангилан ялгаж, хэвтүүлэн эмилдэг байна. Харин бусад хүүхдийг эмчилгээ бичиж, зөвлөгөө өгөөд гэрт нь буцаадаг аж. Өөрөөр хэлбэл эмийн эмчилгээ хийж байна. Гэхдээ эдгээр хүмүүсийн дийлэнх нь хүндэрч эмнэлэгт хандахаас аргагүйд хүрч байгаа юм. Учир нь манайд эмийн үнэ хэт өндөр тул иргэд тэр бүр үнэ өртөг өндөртэй эмийг авч хэрэглэж чадахгүй байна.
Хэдийгээр 2013 оноос эхлэн эмчийн жороор зарим эмийг хөнгөлөлттэй үнээр олгож байгаа ч үүнийг үр дүнгүй гэж шүүмжлэх иргэд цөөнгүй бий. Тодруулбал эмийн сангууд хөнгөлөлттэй үнээр авах боломжтой эмүүдийн жагсаалтыг иргэдэд харуулдаггүй төдийгүй өөрсдөө жор харж байгаад энэ эм хөнгөлөлтөд хамаарахгүй, энийг тэдэн хувиар бууруулна хэмээн хэлж өгдөг нь иргэдийн дунд нэлээд хардалт дагуулж байна. Иргэд өөрсдөө ямар эмийг хэдэн төгрөг хямдруулж буйг харахыг хүсэж байгаа юм.
Ер нь манай улсад эмийн үнэ хэт өндөр байгааг сүүлийн үед хаа хаанаа шүүмжлэх болсон. УИХ-ын чуулганы үеэр гишүүд энэ асуудлыг хөндөж импортоор орж ирж байгаа эмийг 5-6 дахин нугалж борлуулж байгаа нь зүйд нийцэхгүй байна хэмээн санал, шүүмжлэл ч хэлж байсан удаатай.
Манай улсын хувьд нийт эмийн хэрэглээнийхээ 75-80 орчим хувийг гаднаас импортолдог. Иймээс л эмийн сангуудад худалдаалагдаж буй эмийн үнэ хэт өндөр байдаг юм. Зайлшгүй шаардлагатай эм хэт өндөр үнэтэй 10 орны тоонд Монгол улс багтдаг аж.
Тэгвэл энэ байдлаас гарахын тулд эмийн салбарт ил тод байдал нэвтэрснээр эмийн үнэ буурах боломжтой гэж албаныхан үзэж байна. Ингэвэл ард иргэдэд хүрч буй эмийн хүртээмжийг сайжруулж,чанартай эм, эмэн бүтээгдэхүүнийг хүргэж, хамгийн боломжит бага өртгөөр иргэдийн гарт хүргэх боломжтой болох аж.
Дэлхий нийтэд 2 тэрбум гаруй хүн өөрт шаардлагатай, бага өртөгтэй эмийг худалдаж авч чадахгүйгээс болж эрүүл мэндээрээ хохирч байгаа гэсэн судалгаа байдаг аж. Харин эдгээр хүмүүсийн тоонд манай иргэд орж байгааг үгүйсгэх аргагүй. Тиймээс энэ салбарт шинэчлэл хийж эмийн уян хатан үнийн бодлого баримтлах нь зүйтэй болов уу.
Хэдийгээр 2013 оноос эхлэн эмчийн жороор зарим эмийг хөнгөлөлттэй үнээр олгож байгаа ч үүнийг үр дүнгүй гэж шүүмжлэх иргэд цөөнгүй бий. Тодруулбал эмийн сангууд хөнгөлөлттэй үнээр авах боломжтой эмүүдийн жагсаалтыг иргэдэд харуулдаггүй төдийгүй өөрсдөө жор харж байгаад энэ эм хөнгөлөлтөд хамаарахгүй, энийг тэдэн хувиар бууруулна хэмээн хэлж өгдөг нь иргэдийн дунд нэлээд хардалт дагуулж байна. Иргэд өөрсдөө ямар эмийг хэдэн төгрөг хямдруулж буйг харахыг хүсэж байгаа юм.
Ер нь манай улсад эмийн үнэ хэт өндөр байгааг сүүлийн үед хаа хаанаа шүүмжлэх болсон. УИХ-ын чуулганы үеэр гишүүд энэ асуудлыг хөндөж импортоор орж ирж байгаа эмийг 5-6 дахин нугалж борлуулж байгаа нь зүйд нийцэхгүй байна хэмээн санал, шүүмжлэл ч хэлж байсан удаатай.
Манай улсын хувьд нийт эмийн хэрэглээнийхээ 75-80 орчим хувийг гаднаас импортолдог. Иймээс л эмийн сангуудад худалдаалагдаж буй эмийн үнэ хэт өндөр байдаг юм. Зайлшгүй шаардлагатай эм хэт өндөр үнэтэй 10 орны тоонд Монгол улс багтдаг аж.
Тэгвэл энэ байдлаас гарахын тулд эмийн салбарт ил тод байдал нэвтэрснээр эмийн үнэ буурах боломжтой гэж албаныхан үзэж байна. Ингэвэл ард иргэдэд хүрч буй эмийн хүртээмжийг сайжруулж,чанартай эм, эмэн бүтээгдэхүүнийг хүргэж, хамгийн боломжит бага өртгөөр иргэдийн гарт хүргэх боломжтой болох аж.
Дэлхий нийтэд 2 тэрбум гаруй хүн өөрт шаардлагатай, бага өртөгтэй эмийг худалдаж авч чадахгүйгээс болж эрүүл мэндээрээ хохирч байгаа гэсэн судалгаа байдаг аж. Харин эдгээр хүмүүсийн тоонд манай иргэд орж байгааг үгүйсгэх аргагүй. Тиймээс энэ салбарт шинэчлэл хийж эмийн уян хатан үнийн бодлого баримтлах нь зүйтэй болов уу.
Б.Сансар
olloo.mn