Монголын волейболын холбооноос зохион байгуулдаг залуучуудын УАШТ энэ сарын 27-ноос ирэх сарын 3-ны өдрүүдэд “Буянт-Ухаа” спортын ордонд болж байна. Тэмцээнд нийслэл болон орон нутгийн 21 (эрэгтэй 12, эмэгтэй есөн) баг оролцож байна.
Тодруулбал, “Хасу мегаватт”, “Алтайн барс”, “Эрчим”, “Тэнүүн Огоо”, “Хилчин” клубууд, Иргэний нисэхийн ерөнхий газар, Хөдөө аж ахуйн их сургууль, ерөнхий боловсролын 21дүгээр дунд сургууль, орон нутгаас Сэлэнгэ, Сүхбаатар, Говь-Сүмбэр, Өвөрхангай, Өмнөговь аймгийн залуу волейболчид иржээ.
Монголын волейболын холбоо нь энэ насны ангиллын тэмцээнийг 15 дахь жилдээ зохион байгуулж байгаа юм.
Б.Орхон
olloo.mn