Ерөнхийлөгч АНУ-ын Филадельфи хотод зочлов
НҮБ-ын Ерөнхий Ассамблейн 71 дүгээр чуулганд оролцсон Монгол Улсын Ерөнхийлөгч Цахиагийн Элбэгдорж баасан гаригт Филадельфи хотод зочлон АНУ-ын Пенсилвани муж, Филадельфи хотын удирдлагуудтай уулзлаа.Ерөнхийлөгчийг Филадельфи хотын захиргааны байранд хүрэлцэн ирэхэд Пенсилвани мужийн Амбан захирагч Том Вулф, Филадельфи хотын дарга Жеймс Кенни болон албаны бусад хүмүүс албан ёсоор угтан авлаа.

Монгол Улсын Ерөнхийлөгчийг Ерөнхийлөгчийн Гадаад бодлогын зөвлөх Л.Пүрэвсүрэн, Монгол Улсаас АНУ-д суугаа Онц бөгөөд Бүрэн эрхт Элчин сайд Б.Алтангэрэл, албаны хүмүүс болон хэвлэл мэдээллийн төлөөлөл дагалдан ирэв.

Хүлээн авах ёслолын үеэр Филадельфи хотын дарга Жеймс Кенни хэлсэн үгэндээ “Бүс нутагтаа төдийгүй тив дэлхийд ардчиллын тод үлгэр жишээ болон хөгжиж буй Монгол Улсын төрийн тэргүүн манай хотод хүрэлцэн ирснийг бид талархан хүлээн авч байна. АНУ-ын тусгаар тогтнол, эрх чөлөөний эх нутаг гэгддэг Филадельфи хотноо Монголын ардчилсан хувьсгалын төлөөлөгчдийн нэг нь зочлон ирээд байгаа нь онцлох чухал үйл явдал болж байна. АНУ, Монгол Улс нийтлэг үнэт зүйлтэй, бидний хоорондын харилцаа тасралтгүй хөгжсөөр ирсэн. Одоо энэ харилцааг соёл урлаг, иргэд хоорондын салбарт өргөжин хөгжүүлэх шинэ хуудсыг Монгол Улсын Ерөнхийлөгч нээхээр ирээд байгаад бид баяртай байна.” хэмээв.Монгол Улсын Ерөнхийлөгч “Энэхүү түүхэн хотод хүрэлцэн ирээд байгаадаа бид үнэхээр сэтгэл хөдөлж байна. Энэ гайхамшигтай хотын удирдлага биднийг халуун дотноор угтан авсанд талархаж байна. Мөн бид өнөөдөр Филадельфи хотын Симфони найрал хөгжмийн чуулгад зочлон, удирдлагатай нь уулзахаар төлөвлөөд байгаа” хэмээв.

Дараа нь Монгол Улсын Ерөнхийлөгч Филадельфи хотноо ажиллаж амьдардаг монгол иргэдийн төлөөлөлтэй уулзлаа. Тэдгээрийн дотор зөвхөн монголчууд төдийгүй буриад, халимаг, тува зэрэг олон үндэстэн ястны төлөөлөл байв.АНУ-ын Пенсилвани мужийн Хамтын нөхөрлөлийн хамгийн том хот болох Филадельфийг анх Уиллиам Пенн 1682 онд байгуулсан. АНУ-ыг үндэслэн байгуулагчид /Founding Fathers/ тус хотод цугларч, 1776 оны Тусгаар тогтнолын тунхаглалд гарын үсэг зурж, 1787 онд Үндсэн хуулиа баталсан түүхтэй. Филадельфи нь иргэний дайны үед АНУ-ын гол хот байсан төдийгүй Вашингтон хотыг баригдаж дуустал нийслэл хот байсан.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Zochin  2016-09-25 12:49:53
    Aav mini ar ger avgai huuhed heden malaa haychihaad deven delhiigeer teneed yavchiimdaaa,yu haigaad teneed yavdgiinboldoo.bodvol neg l ym haigaad...kaplag olood...