Гэр хорооллын дахин төлөвлөлтийн улмаас хохирсон иргэдийн төлөөлөл өнөөдөр мэдээлэл хийлээ. Энэ удаагийн хэвлэлийн бага хуралд БЗД-т гэр хорооллын дахин төлөвлөлтийн төсөл хэрэгжүүлж буй "Моннис", "Бүрд", "Их Өргөө" компаниудын төсөл хэрэгжүүлж буй байршилд амьдарч байсан иргэд оролцлоо.
Нийслэлийн Гэр хорооллын хөгжлийн газар, барилгын компани, иргэн гэсэн гурвалсан гэрээ хийж, иргэд газраа чөлөөлсөн хэдий ч барилгын ажил гэрээнд заасан хугацаанд дуусаагүй байна.Тэдний хэлж буйгаар Моннис группын охин компаний болох “Моннис урбан девелопмент” ХХК иргэдийг хамгийн ихээр хохироожээ. Тэдний хэлж буйгаар 2012 онд эхний айлуудын газрыг чөлөөлж авчихаад өдгөө найм, ессөн давхар хоёр блок барьсан байна. Үүнээс үүдэж өнөөдөр Моннис групп, 14-р хорооны иргэд хооронд нэлээд томоохон маргаан үүсэж, асуудал одоо ч шийдэгдээгүй бөгөөд иргэдийн хувьд дээшээ тэнгэр хол, доошоо газар хатуу явж байгаагаа энэ үеэр хэллээ.
Түүнчлэн иргэдийн хэлж буйгаар ганц хугацаа алдсан асуудал үүсээгүй аж. Учир нь тус компанийнхан жил гаруйн хугацаанд иргэдийн түрээсийн мөнгийг сарын 700 мянгаар тооцож асуудалгүй өгч байсан ч 2015 онд урьдчилж ярьж, хэлэлгүй түрээсийн мөнгийг бууруулж 300 мянган төгрөг өгдөг болжээ. Ингээд сүүлийн үед уг мөнгөө өгөхөө больсон байна. Иймээс иргэд хандах газруудад нь хандаж тус компанийн үйл ажиллагааг түргэвчлүүлэх талаар хөөцөлдөж эхэлжээ. Бид өмнө нь энэ асуудлаар иргэдийн төлөөлөлтэй уулзаж, мэдээлж байсан билээ.
Тухайн үед иргэд “Моннис Урбан Девелопмент” компанийнхан болон нийслэлийн удирдлагууд хүлээж авч, асуудал хаанаа байгааг хэлж, тайлбарладаггүй гэдгийг онцолж байсан юм. Харин одоо нийслэлийн удирдлагууд солигдсон тул тэдгээр иргэдийн асуудал бүр мөсөн орхигджээ. Иргэд хий хоосон “Гэр хорооллын хөгжлийн газар”-ын үүдийг сахиж өдрийг өнгөрөөдөг болсон тухайгаа учирлаж байна.
Гэвч одоогийн Засгийн газар, нийслэлийн удирдлагуудад өмнөх Засаг төрийн удирдлагуудын хийж хэрэгжүүлж байсан ажил хамаагүй мэт аашилж, орох оронгүй болсон эдгээр иргэдийг хөсөр хаяжээ. Хамгийн сүүлд есдүгээр сард Нийслэлийн ИТХ-ын дарга Ц.Сандуйтай уулзахад та бүхний асуудлыг шийдвэрлэж, орох оронтой болгоно гэх товч хариултыг өгчээ. Харин дээрх иргэд өнөөдөр ч орох оронгүй, хэцүүхэн нөхцөлд амьдарсаар байна.
Нийслэлийн Гэр хорооллын хөгжлийн газар, барилгын компани, иргэн гэсэн гурвалсан гэрээ хийж, иргэд газраа чөлөөлсөн хэдий ч барилгын ажил гэрээнд заасан хугацаанд дуусаагүй байна.Тэдний хэлж буйгаар Моннис группын охин компаний болох “Моннис урбан девелопмент” ХХК иргэдийг хамгийн ихээр хохироожээ. Тэдний хэлж буйгаар 2012 онд эхний айлуудын газрыг чөлөөлж авчихаад өдгөө найм, ессөн давхар хоёр блок барьсан байна. Үүнээс үүдэж өнөөдөр Моннис групп, 14-р хорооны иргэд хооронд нэлээд томоохон маргаан үүсэж, асуудал одоо ч шийдэгдээгүй бөгөөд иргэдийн хувьд дээшээ тэнгэр хол, доошоо газар хатуу явж байгаагаа энэ үеэр хэллээ.
Түүнчлэн иргэдийн хэлж буйгаар ганц хугацаа алдсан асуудал үүсээгүй аж. Учир нь тус компанийнхан жил гаруйн хугацаанд иргэдийн түрээсийн мөнгийг сарын 700 мянгаар тооцож асуудалгүй өгч байсан ч 2015 онд урьдчилж ярьж, хэлэлгүй түрээсийн мөнгийг бууруулж 300 мянган төгрөг өгдөг болжээ. Ингээд сүүлийн үед уг мөнгөө өгөхөө больсон байна. Иймээс иргэд хандах газруудад нь хандаж тус компанийн үйл ажиллагааг түргэвчлүүлэх талаар хөөцөлдөж эхэлжээ. Бид өмнө нь энэ асуудлаар иргэдийн төлөөлөлтэй уулзаж, мэдээлж байсан билээ.
Тухайн үед иргэд “Моннис Урбан Девелопмент” компанийнхан болон нийслэлийн удирдлагууд хүлээж авч, асуудал хаанаа байгааг хэлж, тайлбарладаггүй гэдгийг онцолж байсан юм. Харин одоо нийслэлийн удирдлагууд солигдсон тул тэдгээр иргэдийн асуудал бүр мөсөн орхигджээ. Иргэд хий хоосон “Гэр хорооллын хөгжлийн газар”-ын үүдийг сахиж өдрийг өнгөрөөдөг болсон тухайгаа учирлаж байна.
Гэвч одоогийн Засгийн газар, нийслэлийн удирдлагуудад өмнөх Засаг төрийн удирдлагуудын хийж хэрэгжүүлж байсан ажил хамаагүй мэт аашилж, орох оронгүй болсон эдгээр иргэдийг хөсөр хаяжээ. Хамгийн сүүлд есдүгээр сард Нийслэлийн ИТХ-ын дарга Ц.Сандуйтай уулзахад та бүхний асуудлыг шийдвэрлэж, орох оронтой болгоно гэх товч хариултыг өгчээ. Харин дээрх иргэд өнөөдөр ч орох оронгүй, хэцүүхэн нөхцөлд амьдарсаар байна.
Б.Сансар
olloo.mn