Монголын эрүүл мэндийн ажилтны ҮЭ-ийн холбооноос төсвийн тодотголд төрийн албан хаагчдад олгодог нэг удаагийн тэтгэмжийг бууруулахаар тусгасныг эсэргүүцэж байгаагаа илэрхийллээ.
Энэ оны төсвийн тодотголд эрүүл мэндийн мэндийн салбарт 25-аас дээш жил ажилласан эмч, ажилтнуудад тэтгэвэрт гарахад олгодог 24-36 сарын тэтгэмжийг 1-12 сар болгон бууруулахаар тусгаад буй. Тиймээс салбарын ҮЭ-ийн холбооноос тэтгэмжийн хэмжээг одоогийнхоос бууруулахгүй байх тухай албан тоотыг өнгөрсөн сарын 25-наас хойш тасралтгүй УИХ, Засгийн газар, НББСШУ-ны болон Төсвийн байнгын хороо, намын бүлгүүдэд хүргүүлсэн байна. Гэвч одоогоор ямар нэг хариу ирүүлээгүй байгаа гэнэ.
Тэтгэмжийг бууруулсан нь Засгийн газар Хөдөлмөр, нийгмийн зөвшлийн 3 талт 2015-2016 оны улсын хэлэлцээрийн заалтыг, нэмэгдэл цалинг бууруулах нь Хөдөлмөрийн тухай хуулийн 18-р зүйлийн 18.1.1 дүгээр заалтуудыг тус тус зөрчиж байгаа аж. Иймд тус ҮЭ-ийн холбооноос УИХ-ын дарга гишүүд, Засгийн газар, НББСШУ-ны болон Төсвийн байнгын хороо, Сангийн яам, Эрүүл мэндийн яам, Хөдөлмөрийн яаманд хандаж, эрүүл мэндийн байгууллагад 25 ба түүнээс дээш, өрх, сум, тосгоны эрүүл мэндийн төвд 10 ба түүнээс дээш жил ажилласан эмч, ажилтнуудад ажилласан жилтэй уялдуулан олгож байгаа мөнгөн тэтгэмжийг бууруулахгүй байхыг шаардсан шаардлага хүргүүлэхээр болжээ.
Энэхүү шаардлагыг хэрэгжүүлэхгүй тохиолдолд эрүүл мэндийн салбарын эмч, ажилтнууд хуулиар олгогдсон эрхийнхээ дагуу хамтын маргаан үүсгэж, жагсаал цуглаан, ажил хаялт хийх хүртэлх тэмцлийн аргыг сонгоно гэв.
Үнэхээр эмч нар ажил хаялт зарлавал яах вэ? Манай эмч нар өмнө нь мөн л ажил хаялт зарлаж байсан удаатай. Өөрөөр хэлбэл тэд ажил хаялт зарлана гэсэн бол зарладаг хүмүүс. Тэгвэл эмч нар ажил халт зарлавал өвчтөнүүд л хохирч үлдэнэ. Ард түмний эрүүл энхийн манааны тэргүүн эгнээнд байх ёстой эмч нарын хувьд багахан асуудал гарах төдийд ажил хаялт зарлана хэмээн сүрдүүлэг хийх нь хэр ёсзүйд нийцэх вэ? Энэ асуулт цахим орчинд хүчтэй тарж байна.
Мэдээж хэрэг насаараа хүнд нөхцөлд ажилласан эмч нарын нэг удаагийн тэтгэмжийг бууруулж байгаа нь нийгмийн талаасаа аваад үзвэл эсэргүүцэх зүйл яах аргагүй мөн. Гэсэн хэдий ч ямар ч тохиолдолд хүний амь нас эрүүл мэндийг сахин хамгаална хэмээн тангараг өргөсөн эмч нар ажил хаялт зарлахаа урьтал болгож байгаа нь зохимжгүй гэж үзэх хүн олон байна.
Ямартай ч тэд өөрсдийн саналыг хэллээ. Харин үүнийг нь хүлээж авах эсэхийг харж суух л үлдэж байна.
Энэ оны төсвийн тодотголд эрүүл мэндийн мэндийн салбарт 25-аас дээш жил ажилласан эмч, ажилтнуудад тэтгэвэрт гарахад олгодог 24-36 сарын тэтгэмжийг 1-12 сар болгон бууруулахаар тусгаад буй. Тиймээс салбарын ҮЭ-ийн холбооноос тэтгэмжийн хэмжээг одоогийнхоос бууруулахгүй байх тухай албан тоотыг өнгөрсөн сарын 25-наас хойш тасралтгүй УИХ, Засгийн газар, НББСШУ-ны болон Төсвийн байнгын хороо, намын бүлгүүдэд хүргүүлсэн байна. Гэвч одоогоор ямар нэг хариу ирүүлээгүй байгаа гэнэ.
Тэтгэмжийг бууруулсан нь Засгийн газар Хөдөлмөр, нийгмийн зөвшлийн 3 талт 2015-2016 оны улсын хэлэлцээрийн заалтыг, нэмэгдэл цалинг бууруулах нь Хөдөлмөрийн тухай хуулийн 18-р зүйлийн 18.1.1 дүгээр заалтуудыг тус тус зөрчиж байгаа аж. Иймд тус ҮЭ-ийн холбооноос УИХ-ын дарга гишүүд, Засгийн газар, НББСШУ-ны болон Төсвийн байнгын хороо, Сангийн яам, Эрүүл мэндийн яам, Хөдөлмөрийн яаманд хандаж, эрүүл мэндийн байгууллагад 25 ба түүнээс дээш, өрх, сум, тосгоны эрүүл мэндийн төвд 10 ба түүнээс дээш жил ажилласан эмч, ажилтнуудад ажилласан жилтэй уялдуулан олгож байгаа мөнгөн тэтгэмжийг бууруулахгүй байхыг шаардсан шаардлага хүргүүлэхээр болжээ.
Энэхүү шаардлагыг хэрэгжүүлэхгүй тохиолдолд эрүүл мэндийн салбарын эмч, ажилтнууд хуулиар олгогдсон эрхийнхээ дагуу хамтын маргаан үүсгэж, жагсаал цуглаан, ажил хаялт хийх хүртэлх тэмцлийн аргыг сонгоно гэв.
Үнэхээр эмч нар ажил хаялт зарлавал яах вэ? Манай эмч нар өмнө нь мөн л ажил хаялт зарлаж байсан удаатай. Өөрөөр хэлбэл тэд ажил хаялт зарлана гэсэн бол зарладаг хүмүүс. Тэгвэл эмч нар ажил халт зарлавал өвчтөнүүд л хохирч үлдэнэ. Ард түмний эрүүл энхийн манааны тэргүүн эгнээнд байх ёстой эмч нарын хувьд багахан асуудал гарах төдийд ажил хаялт зарлана хэмээн сүрдүүлэг хийх нь хэр ёсзүйд нийцэх вэ? Энэ асуулт цахим орчинд хүчтэй тарж байна.
Мэдээж хэрэг насаараа хүнд нөхцөлд ажилласан эмч нарын нэг удаагийн тэтгэмжийг бууруулж байгаа нь нийгмийн талаасаа аваад үзвэл эсэргүүцэх зүйл яах аргагүй мөн. Гэсэн хэдий ч ямар ч тохиолдолд хүний амь нас эрүүл мэндийг сахин хамгаална хэмээн тангараг өргөсөн эмч нар ажил хаялт зарлахаа урьтал болгож байгаа нь зохимжгүй гэж үзэх хүн олон байна.
Ямартай ч тэд өөрсдийн саналыг хэллээ. Харин үүнийг нь хүлээж авах эсэхийг харж суух л үлдэж байна.
Б.Сансар
olloo.mn