Японы Ерөнхий сайд Шинзо Абэ Бразилын Рио де Жанейро хотноо зохион байгуулагдсан 31 дэх удаагийн зуны олимпод чөлөөт бөхийн 58 кг-ийн жинд зодоглон алтан медаль хүртсэн суут тамирчин Ичо Каориг ард түмний баатар цолд тодорхойлохоор хэлэлцэж буй тухайгаа өчигдөр мэдээлсэн байна.
Эдүгээ 32 настай Ичо Каори дөрвөн олимпод түрүүлсэн анхны эмэгтэй тамирчин юм. Өнөөдөр тус улсын албаныхан хэвлэлийн хурал зарлаж, тус шагналын талаар мэдээлэх гэнэ.
Б.Даваа
Монголын мэдээ