Хотын ногоон хөгжлийг сайжруулах төсөл хэрэгжүүлнэ

Нийслэлийн Засаг дарга С.Батболд өнөөдөр АНУ-ын Азийн сангийн Монгол дахь суурин төлөөлөгч хатагтай Мелон Линдбергийг хүлээн авч уулзлаа. Уулзалтаар талууд НЗДТГ-тай хамтран хэрэгжүүлж байгаа төслүүдийн талаар ярилцаж, цаашдын хамтын ажиллагааны чиглэлээр санал солилцлоо. 

Монгол дахь Азийн сан нь Нийслэлийн ЗДТГ-тай хамтран ил тод хариуцлагатай, иргэдийн оролцоо бүхий засаглалыг дэмжин бэхжүүлэх, авилгыг бууруулах, таслан зогсоох, олон улсын болон бүс нугтийн харилцааг хөгжүүлэх,  гэр хорооллын иргэдэд хүргэх нийтийн үйлчилгээг сайжруулах, нутгийн удирдлагын түвшинд иргэдийн оролцоог дэмжих зэрэг чиглэлээр хамтран олон төсөл хөтөлбөр хэрэгжүүлж байгаа юм.

Уулзалтын эхэнд,  нийслэлийн Засаг дарга бөгөөд Улаанбаатар хотын Захирагч С.Батболд, Сайн засаглалыг бэхжүүлэхэд хамтран ажиллаж дэмжлэг үзүүлж байдагт талархал илэрхийлээд, “Би төрийн байгуулалтын байнгын хорооны даргаар ажиллаж байх үедээ Азийн сангийн Монгол дахь хамгийн анхны суурин төлөөлөгчтэй их ойр ажиллаж, Монголд хэрэгжүүлэх төсөл хөтөлбөрүүдийн талаар санал солилцож байсан. Азийн сан бол Монгол оронд иргэдийн оролцоонд тулгуурласан ардчилал, шударга ёсыг бэхжүүлэхэд маш чухал нөлөө үзүүлсэн” гэдгийг онцлон тэмдэглэв.

Азийн сангийн суурин төлөөлөгч хатагтай Мелон Линдберг, Нийслэлийн Засаг даргын Тамгын Газартай хамтран төрийн үйлчилгээг сайжруулах, төрийн албан хаагчдыг чадавхжуулахад чиглэсэн “Хотын засаглалыг сайжруулах” төсөл, “Иргэдийн оролцоотой төрийн албаны ил тод байдлыг бэхжүүлэх төсөл, Иргэдийн оролцоотой газар зохион байгуулах нь зэрэг төслүүдийг хэрэгжүүлж байна. Мөн Улаанбаатар хотын бизнес эрхлэдэг эмэгтэйчүүдийг дэмжих зорилгоор “Эмэгтэйчүүдийн бизнес хөгжлийн төв”-ийг нээн ажиллуулж эхэлсэн. Хотын засаглалыг сайжруулах  төсөл нь нэг жил гаруй хугацаанд нийслэлийн 9 дүүргийн 33 хороонд хэрэгжиж байна”  гэсэн юм. Мөн хотын ногоон хөгжлийг дэмжих чиглэлээр хамтран ажиллаж дэмжлэг үзүүлэхэд бэлэн гэдгээ илэрхийллээ.

Уулзалтын үеэр нийслэлийн Засаг дарга бөгөөд Улаанбаатар хотын Захирагч С.Батболд “Азийн сантай хамтран хэрэгжүүлж байгаа төсөл хөтөлбөрүүдийг цаашид үргэлжлүүлнэ. Иргэдийн оролцоонд тулгуурлан сайн засаглалыг бэхжүүлэх төслүүд ажилттай хэрэгжснээр иргэд өөрсдийнхөө орчин нөхцөлийг сайжруулахаар  нэгдэж чаддаг, санаачилга гаргадаг байх хэвшил тогтооно гэж итгэж байна. Мөн ногоон хотыг хөгжүүлэх чиглэлээр “Сэлбэ голын эхийг хамгаалж, урсацыг сайжруулах зорилгоор голын эх дагуу суурьшсан айл өрхүүдтэй хамтран  төсөл  хэрэгжүүлэх боломжтой гэж харж байна гэсэн юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Zochin 2016-08-30 10:09:55
    UB- aa utaa, shoroo shavar us, hognoos l salgaj uzeerei dee hotiin dargaa!!!
  • зочёин 2016-08-30 06:47:11
    "Азийн сан "бол америкийн тагнуулын халхавчийн байгуулга гээд орсууд ТВ-р нэвтрүүлэг явуулсан бхад хотын дарга тэр Азийн сантай хамтарч байсан гээд байх юм.