Чехийн Гадаад хэргийн дэд сайдаар ахлуулсан бизнесийн групп айлчилна
Нийслэлийн Засаг даргын Дэд бүтцийн хөгжлийн асуудал хариуцсан орлогч П.Баярхүү Бүгд Найрамдах Чех Улсын Элчин сайдын яамны эдийн засгийн зөвлөх Ладислав Хораакыг хүлээн авч уулзлаа. Уулзалтаар цаашдын хамтын ажиллагааны талаар санал солилцов.

Бүгд Найрамдах Чех Улсын Элчин сайдын яамны эдийн засгийн зөвлөх Ладислав Хораак “Юуны өмнө хотын даргын орлогчийн албан тушаал томилогдсонд баяр хүргэе. Өнгөрсөн онд Бүгд Найрамдах Чех Улсын Парламентын Төлөөлөгчдийн Танхимын дарга Ян Хамачек Улаанбаатар хотод албан айлчлал хийсэн. Мөн өмнөх хотын даргатай уулзаж байсан. Айлчлалын хүрээнд Улаанбаатар хотын ус хангамж, гэрэлтүүлгийг сайжруулах, битүү стадион барих төслийг хэрэгжүүлэх талаар харилцан санал солилцсон юм. Та бүхнийг энэхүү хамтын ажиллагааг үргэлжлүүлнэ гэдэгт итгэж байна. Түүнчлэн ирэх сарын дундуур Чехийн Гадаад хэргийн дэд сайдаар ахлуулсан бизнесийн групп нийслэлд айлчилна. Энэ үеэр болох бизнесийн форумд оролцохыг урьж байна” гэлээ.

Харин Нийслэлийн Засаг даргын Дэд бүтцийн хөгжлийн асуудал хариуцсан орлогч П.Баярхүү “ Хоёр талын хамтын ажиллагаа өргөжин хөгжиж байгаад таатай байна. Улаанбаатар хоттой хамтран хэрэгжүүлэхээр хэлэлцсэн төслүүдийг үргэлжлүүлэхийн төлөө ажиллах болно. Тэр тусмаа нийслэлийн ус хангамжийг сайжруулахад анхаарал хандуулж ажиллана” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • фокер фасетэнгүүд ээ 2016-08-23 06:11:49
    бохир ус цэвэрлэхээ сайн шийдчүүл цэвэр ус дагаад шийдэгдэнэ. цэвэрлэх байгууламжаа өргөтгөх талаар л сайхан ажиллах хэрэгтэй дээ. МАН МАНгар царай гаргах бий