Эдийн засаг элгээрээ хэвтлээ, улс орны данс улайсан, цалин мөнгөө ч тавьж чадахгүйд хүрээд иргэд минь бүсээ чангалаад, тансаг хэрэглээгээ танаарай гээд байсан МАН-ынхан цаагуураа “тансаглаж” гарсан бололтой. Хамгийн эхний жишээ, Хотын дарга С.Батболд.
Тэрбээр экс хотын даргын суудаг байсан нэг давхрын жижиг өрөөг голж, Стратеги бодлого төлөвлөлтийн хэлтсийнхний суудаг байсан олон тасалгаатай өрөөг “өмчилж”, засвар хийлгэн, шинэ тавилгаар чимэн, музей шиг болгоод орчихжээ. Энэ өрөө нь ажлын өрөөнөөсөө цааш дамждаг хоёр өрөөтэйн дээр дотроо ариун цэврийн өрөөтэй гэнэ билээ.
Түүний ийнхүү тансагласан зураг өчигдөржин сошиал ертөнцийн од боллоо. Э.Бат-Үүл Хотын дарга байхдаа ингэж өөрийнхөө өрөөнд анхаарч байсан удаагүй. Бүр яваад ороход ганц лед телевизор, хэдэн сандалнаас өөр юмгүй өрөөнд суучихаад л хотоо хөгжүүлэх гэж хараалган байж, их ажил хийж байсныг дурсах хүн олон байна. Гэтэл хүмүүсээ хална, зардлаа танана гээд л сүржигнээд байгаа УИХ-ын экс гишүүн, шинэхэн хотын дарга маань өөрөө харин Арабын шах шиг тухлахаар шийдсэн бололтой.
Тэрбээр ажилчдынхаа ордог ариун цэврийг өрөөг ч ашиглах сонирхолгүй байгаа нь илт. Энэ ч яамай, сонгууль өнгөрөөд хоёр сар болж байхад хотод нүдэнд харагдаж, гарт баригдах ажил хийв үү, тэд. Үнэндээ өрөөний сайхан өнгө төрх ажилд нэмэр болдог бол ирэх дөрвөн жилд Су.Батболд дарга Арабын Дубай шиг хотод биднийг амьдруулах бололтой дог шүү. Ерөөл бат оршиг л гэхээс дээ.
Э.Мөнх
Монголын мэдээ