Рио 2016: Монголын багийн туслах эгч дүүс

Риогийн олимпод оролцож буй Монголын багийн туслах, сайн дурын ажилтнаар гурван Монгол залуус ажиллаж байна. Ширээний теннисний олон улсын шүүгч Э.Мөнхбилэг наадмын эхний өдрөөс эхлэн баг тамирчдад тусалж, сайн дурын ажилтны үүргээ гүйцэтгэж эхэлсэн бол эгч дүүс Э.Гуамарал, Э.Маралхишиг нар арай хожуу Рио де Жанейрод буусан ч багийн туслахын үүргээ амжилттай биелүүлж байна.

Тэд “Таван цагариг” сонины сэтгүүлч асан, “Атланта-1996”, “Солт Лейк-2002” олимпийн сурвалжлагч Ц.Энхтүвшингийн охид бөгөөд аавынхаа эхлүүлэн олимпийн буухиаг залгуулж хүн төрөлхтний наадамд хувь нэмрээ оруулж байна.

Латин Америк дахь анхны олимпийн зохион байгуулалтанд нийт 50 мянга гаруй сайн дурынхан туслаж байгаа бөгөөд хоёр жил хагасын өмнөөс мэдүүлгээ авч, онлайн сургалт явуулж, хэлний болон спортын шалгалт авах зэргээг шигшсээр орон орны олимпийн төлөөх сэтгэлтэй, мэдлэг чадвартай залуусаар хүчирхэг баг бүрдүүлээд байгаа юм. Нийт сайн дурынхны гол жинг Бразил залуус дарж байгаа бол ОХУ, Хятад, АНУ, Их Британий сайн дурынхан араас нь жагсаж байгаа аж. 

МҮОХ

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.