Олимпийн түүхэнд чөлөөтийнхний тогтоосон амжилтууд

Монголын олимпийн түүхэнд чөлөөт бөхийн спортынхны тогтоосон амжилтуудаас толилуулж байна.

Монголын тамирчдаас төдийгүй эрэгтэй тамирчдын дотроос Зуны олимпийн наадмын анхны Мөнгөн медалийг Жигжидийн Мөнхбат 1968 онд Мексик улсын Мехико хотод авсан.
 

 

Монголын тамирчдаас төдийгүй эрэгтэй тамирчдын дотроос Зуны олимпийн наадмын анхны Хүрэл медалийг Чимидбазарын Дамдиншарав, Данзандаржаагийн Сэрээтэр, Төмөрийн Артаг гурав 1968 онд Мексик улсын Мехико хотод хүртсэн.
 

 

Зуны олимпийн наадмаас нэг спортын төрлөөр анх удаа 4 медалийг чөлөөт бөхийн спортын тамирчид 1968 онд Мексик улсын Мехико хотод авсан.
 

Зуны олимпийн наадмаас спортын нэг төрлөөр анх удаа 3 хүрэл медалийг чөлөөт бөхийн спортын тамирчид 1968 онд Мексик улсын Мехико хотод авж байв.

1992 онд Зуны олимпийн наадмаас тамирчдыг сонгон шалгаруулалтаар оролцуулдаг болсон цагаас хойш 2016 онд Бразил улсын Рио-де-Жанейро хотод болсон Зуны олимпийн наадамд эрэгтэй чөлөөт бөхийн баг монголын спортын төрлүүдийн багуудаас анх удаа бүтэн багаараа оролцож байна.
 



 

Хөдөлмөрийн баатар, Гавьяат тамирчин, олимпийн наадмын мөнгөн медальт Х.Баянмөнх 1964, 1968, 1972, 1976, 1980 онуудын Зуны олимпийн наадамд нийтдээ 5 удаа оролцож эрэгтэй тамирчдын дотроос Зуны олимпийн наадамд хамгийн олон удаа оролцсон.
 




Монголын шүүгдээс төдийгүй эрэгтэй шүүгчдийн дотроос Зуны олимпийн наадамд анх удаа шүүгчээр Очирын Цэрэндагва 1968 онд Мексик улсын Мехико хотод оролцсон.

Залуучуудын зуны олимпийн наадмаас монголын эмэгтэй тамирчдаас анхны Алтан медалийг Баатарзоригийн Батцэцэг 2010 онд Сингапур улсад болсон наадмаас, анхны мөнгөн медалийг Болормаагийн Дөлгөөн 2014 онд БНХАУ-ын Нанжин хотод авсан.
 

 

Эмэгтэй тамирчдаас олимпийн анхны алтан медалийг эмэгтэй чөлөөтийнхөн хүртвэл ахмад бөхчүүд бид маш их баярлана гэж Х.Баянмөнх ярьж байжээ.

2012 онд Англи улсын Лондон хотод болсон Зуны олимпийн наадмын эмэгтэй чөлөөт бөхийн төрөлд Гавьяат тамирчин С.Батцэцэг хүрэл медаль авсны дараа Дархан аварга Х.Баянмөнх сэтгэгдлээ ярихдаа “1969 онд Энэтхэг улсын Дели хотод болсон ДАШТ-нээс анхны хүрэл медалийг Ж.Мөнхбат монголын тамирчдаас анх авсан, 1971 онд Болгар улсын София хотод болсон ДАШТ-нээс Б.Жамсран бид хоёр монголын тамирчдаас төдийгүй эрэгтэй тамирчдын дотроос анхны мөнгөн медалийг авчихаад ДАШТ-нээс анхны алтан медалийг нь чөлөөт бөхийнхөн авах ёстой гэж бид ярилцдаг байсан ч амжаагүй байтал Гавьяат тамирчин Д.Дэмбэрэл 1971 онд Англи улсын Йорк хотод болсон байт сурын ДАШТ-нээс анх хүртсэн. Тэгээд бид олимпийн анхны алтан медалийг нь авах юм шүү гэж ярилцдаг байсан ч чадаагүй өнгөрсөн, жудо, боксынхон анхны алтан медалийг 2008 авч онд бид хоцорсон. Эмэгтэй тамирчдаас Д.Мөнхбаяр 1972 онд Испани улсын Барселона хотод анхны хүрэл медалийг, О.Гүндэгмаа 2008 онд БНХАУ-ын Бээжин хотод мөнгөн медалийг авчихсан. Одоо олимпийн наадмаас манай эмэгтэй тамирчид алтан медаль медалийг авч чадаагүй байна, иймд энэ медалийг манай эмэгтэй чөлөөтийнхөн бусдаас түрүүлж хүртвэл ахмад бөхчүүд бид маш их баярлана.” гэж өгүүлж байсан юм.

МЧБХ. Д.Өлгийсайхан

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.