Өнгөрсөн шөнө Рио 2016 олимпийн наадмын жүдо бөхийн эмэгтэйчүүдийн 57 кг-ын барилдааны аваргын алтан медалийн төлөө манай бөх Д.Сумъяа Бразилийн бөх Р.Сильва нар хүч үзсэн билээ. Тус барилдаан эхлээд хоёр минут өнгөрч байхад маргаан гарч шүүгч нар хэсэг зөвлөлдсөний эцэст эзэн орны бөхөд базари үнэлгээ өгсөн юм.
Харин манай үзэгчид Р.Сильваг хориотой мэх буюу босоогоос гар хүрч, тахимдсан тул тэмцээнээс шууд хөөгдөх ёстой хэмээх байр сууриндаа бат зогссон юм. Ингээд хоёр бөхийн барилдаан үргэлжилж, манай бөх урагш довтолсон шилдэг барилдаан үзүүлсэн ч амжилт ололгүй дуусаж, мөнгөн медаль хүртсэн.
Хоёр бөхийн барилдааны дараа нийгмийн сүлжээгээр шударга бус шүүлтийн ачаар Монголын тамирчин ялагдлаа гэх шүүмжилсэн сэтгэгдлүүд ОУ-ын жүдо бөхийн холбооны албан ёсны пэйж дээр олноор орж байсан юм. Харин Бразилчуудын зүгээс шүүгчдийн зөв хэмээн маргалдаж, манай тамирчныг өмгөөлсөн үзэгчдийн хооронд ширүүн маргаан болсоны улмаас ОУ-ын жүдо бөхийн холбооныхон пэж дээрээ жүдогийн спортыг хүндэлж, нэг нэгнээ харааж зүхэхгүй байх талаар уриалсан агуулгатай зүйлс бичжээ. Уг мэдэгдэлд ямар нэгэн улсын нэр зааж онцлоогүй ч Монгол, Бразилын үзэгчдэд зориулан бичсэн нь шууд ойлгогдож байсан юм.
Харин манай үзэгчид Р.Сильваг хориотой мэх буюу босоогоос гар хүрч, тахимдсан тул тэмцээнээс шууд хөөгдөх ёстой хэмээх байр сууриндаа бат зогссон юм. Ингээд хоёр бөхийн барилдаан үргэлжилж, манай бөх урагш довтолсон шилдэг барилдаан үзүүлсэн ч амжилт ололгүй дуусаж, мөнгөн медаль хүртсэн.
Хоёр бөхийн барилдааны дараа нийгмийн сүлжээгээр шударга бус шүүлтийн ачаар Монголын тамирчин ялагдлаа гэх шүүмжилсэн сэтгэгдлүүд ОУ-ын жүдо бөхийн холбооны албан ёсны пэйж дээр олноор орж байсан юм. Харин Бразилчуудын зүгээс шүүгчдийн зөв хэмээн маргалдаж, манай тамирчныг өмгөөлсөн үзэгчдийн хооронд ширүүн маргаан болсоны улмаас ОУ-ын жүдо бөхийн холбооныхон пэж дээрээ жүдогийн спортыг хүндэлж, нэг нэгнээ харааж зүхэхгүй байх талаар уриалсан агуулгатай зүйлс бичжээ. Уг мэдэгдэлд ямар нэгэн улсын нэр зааж онцлоогүй ч Монгол, Бразилын үзэгчдэд зориулан бичсэн нь шууд ойлгогдож байсан юм.
Б.Сансар
olloo.mn