Хотын цэвэр усны хангамжийг сайжруулахад Будапешттай хамтрана

Нийслэлийн Засаг дарга бөгөөд Улаанбаатар хотын Захирагч С.Батболд өнөөдөр БНУУ-ын Будапешт хотын Захирагчийн Санхүү хариуцсан орлогч  ноён Др.Габор Багдитай уулзлаа.

Уулзалтаар хотуудын хамтын ажиллагааг улам илүү гүнзгийрүүлж, хэд хэдэн чиглэлээр хамтран ажиллахаар санал солилцлоо. Мөн өнгөрсөн оны 12 сард байгуулсан “Хотуудын хамтран ажиллах санамж бичиг”-ийг  Будапешт хотын орлогч Др. Габор Багди нийслэлийн Засаг даргад гардуулан өглөө.

Нийслэлийн Засаг дарга С.Батболд зочид төлөөлөгчдийг Улаанбаатар хотод тавтай морилохыг хүсээд, “Монгол, Унгар улсын хооронд дипломат харилцаа тогтоосны 65 жилийн ой өнгөрсөн онд тохиож,  Унгар улсын Элчин сайдын яамыг Монгол улсад байгуулсан нь хотуудын хамтын ажиллагааг улам илүү бэхжүүлэхэд чухал үйл явдал болсон.  1957 оноос эхлээд Монголын олон залуус Унгарт суралцаж мэргэжил эзэмшиж ирсэн. Энэ уламжлалыг үргэлжүүлэн Унгар Улсын Засгийн газрын тэтгэлгээр Унгарт суралцах оюутны тоог нэмэхээр болсонд баяртай байна. Энэ нь хотуудын хамтын ажиллагааг улам илүү өрөгжүүлэхэд түлхэц болно” гэдийг онцлон тэмдэглэлээ.  Түүнчлэн 2015 онд Унгар Улсын Ерөнхий сайдын Монгол Улсад хийсэн айлчлалын үеэр  Будапешт хотын компанитай Улаанбаатар хотын цэвэр усны хангамжийг сайжруулах,  шугам хоолойг солих шинэчлэх зэрэг асуудлаар Ус сувгийн удирдах газар хамтран ажиллахаар гэрээ хэлцэл хийсэн. Гэрээний дагуу хамтын ажиллагаагаа үргэлжүүлнэ. Мөн Унгар улсын Эскпорт-Импорт банкнаас Улаанбаатар хотод 25 сая Еврогийн зээл өгөх сонирхолтой байгаагаа илэрхийлсэн байна. Зээлийн хүрээнд нийтийн тээврийн эко автобус  угсрах үйлдвэрийн төсөл, Туул голын үерийн далан, эко системийг сайжруулах, амралт зугаалгын бүс байгуулах,  “Ухаалаг Улаанбаатар” хөтөлбөрийн хүрээнд “Ухаалаг хотхон” байгуулах зэрэг томоохон төслүүдийг хэрэгжүүлэхээр төлөвлөж байна гэсэн юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.