ДАШТ-ний хүрэл медальт Н.П.Ядав цагаадаж, олимпод оролцохоор боллоо

2015 онд АНУ-ын Лас-Вегас хотод болсон чөлөөт бөхийн ДАШТ-ний 74 кг-ын жинд хүрэл медаль хүртсэн энэтхэгийн бөх Нарсингх Панчан Ядаваас бэлтгэл сургуулилтын үеэр энэ оны долоодугаар сарын 5-ны өдөр авсан сэргээшийн шинжилгээгээр дианабол илэрч түүнийг Зуны олимпийн наадамд явуулахгүй шийдвэр гарсан билээ. Түүний оронд Рио-де-Жанейро руу олимпийн мөнгө, хүрэл медальт Сушил Кумар, залуу бөх Парвин Ран нар олимпийн эрхийн төлөө өрсөлдөж байлаа.

Н.П.Ядав хүсэлт гаргасны дагуу Энэтхэгийн сэргээшийн эсрэг агентлагаас цагдаагийн байгууллагатай хамтран мөрдөн шалгалт ажиллагаа явуулсны үр дүнд Н.П.Ядав нь сэргээш огт хэрэглээгүй, харин хорон санаатнууд түүний хоолонд стероид нууцаар хийсэн нь илэрч тэрбээр цагаадаж олимпийн наадамд оролцохоор болжээ. Өмнө нь түүнийг утсаар заналхийлж байснаас бие хамгаалагчтай  явдаг болсон байна.

Д.Өлгийсайхан

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.