Бразил улсын нийслэл Рио-де-Жанейро хотод болж байгаа ОУОХ-ны ээлжит чулган дээр Оросын олимпийн хорооны ерөнхийлөгч А.Жуков үг хэлэхдээ “ОХУ-ын тамирчдад шудрага бус хандаж байгаа явдал болж байна.
Манай тамирчдын сэргээшийн шинжилгээг гадаадын сэргээшийн шинжилгээний олон лабораториар хэдэнтээ давтан шалгасан. Гэвч Е. Исинбаева, С.Шубенков гээд олон арван тамирчид “цэвэр” байхад олимпийн наадмаас английн иргэн К.Ридийн удирддаг ВАДА, Олон улсын сэргээшийн агентлагаас томилсон Хараат бус нэртэй “хараат” комиссийн дарга, канадын профессор Р.Макларен гэгчийн илтгэл гэгчид нэр нь дурдагдсан хэргээр оросын олон арван тамирчдыг олимпийн наадмаас хасаж байгаа нь шудрага бус явдал юм. Энэ бол ялгаварлан гадуурхалт! Энэ бол дэлхийн зиндааны оросын олон арван тамирчдын сүйрсэн амьдрал, алдагдсан амжилтын тухай яригдаж байгааг ойлгох хэрэгтэй. Иймд олимпийн хөдөлгөөнд гаднаас үзүүлж байгаа санаанд багтамгүй даралт шахалтыг эсэргүүцэж олимпийн хөдөлгөөнийг хагалан бутаргах боломжийг олгохгүй байхыг Та бүхэнд хандан уриалж байна. Цэвэр тамирчдыг хамгаалахад чиглэсэн шийдвэрийг бид гаргах ёстой.” гэжээ.
Бэлтгэсэн Д.Өлгийсайхан