Тус арга хэмжээний хүрээнд тээврийн хэрэгсэл дотор хүүхдийг зориулалтын суудалд, хамгаалах бүс бүслүүлэхгүйгээр эрсдэлтэй орчинд тээвэрлэж яваа жолооч нарт хатуу хариуцлага тооцон ажиллахаар төлөвлөөд байгаа аж.

Энэ оны эхний хагас жилийн байдлаар зам тээвэр ослын улмаас 19 хүүхэд нас барж 554 хүүхэд багачууд бэртэж гэмтсэнээс 113 хүүхэд хүндэвтэр, хүнд гэмтсэн байна. Ослын шалтгааныг судалж үзэхэд нэгт хүүхдийг хараа хяналтгүй замын хөдөлгөөнд оролцуулдаг. Хоёрт хүүхдийг гудамж зам, гэр сургуулийн ойр орчин, тоглоомын талбайд тоглуулахдаа хараа хяналт тавьдаггүй. Буруу үлгэр дуурайлал үзүүлдэг. Гуравт тээврийн хэрэгсэлээр буруу тээвэрлэдэг хамгаалалтын суудал болон хамгаалалтын бүс ашигладаггүйгээс үүдэн хүүхэд осол гэмтэлд өртдөг аж.

П.УНДРАМ
Оллоо.мн