Барилгын салбарынхан Д.Өнөрболорыг эсэргүүцэж, төрийн өндөрлөгүүдэд санал хүргүүллээ

Барилга, хот байгуулалтын сайдад "Сөүл" группын ерөнхийлөгч Д.Өнөрболорыг нэр дэвшүүлсэн нь олон нийтийн, МАН-ынхны төдийгүй тус салбарынхны дургүйцлийг төрүүлжээ.

Барилга угсралтын компанийн нэгдлүүдээс Ерөнхийлөгч Ц.Элбэгдорж, Ерөнхий сайд Ж.Эрдэнэбат, УИХ-ын дарга М.Энхболд нарт санал хүргүүлсэн байна.

Тэд уг саналдаа:

"Бид МАН-ын “Мэргэжлийн засгийн газар байгуулах” мөрийн хөтөлбөрийг талархан хүлээн авч, дэмжлэг үзүүлэн хамтран ажиллахад бэлэн байгаа тухайгаа барилгын салбарын төрийн бус байгууллагуудаар дамжуулан илэрхийлсэн билээ.

Гэвч Ерөнхий сайдын зүгээс Барилга Хот Байгуулалтын сайдад мэдлэг туршлага, мэргэшлийн хувьд тус салбарын бодлогыг тодорхойлж тулгамдсан асуудлуудыг оновчтой шийдвэрлэх мэргэжлийн мэдлэггүй хүнийг нэр дэвшүүлсэн явдал нь өмнөх Засгийн газруудын алдааг давтаж, салбарыг бүхэлд нь бус зөвхөн нэг өнцгөөс харж байна гэж ойлгогдож байгаа тул дараах тайлбар болон саналуудыг хүргүүлж байна" гэсэн байна.

Мөн дээрх саналд мэргэжлийн бус, салбарын бус сайд томилогдох үед үүсдэг асуудлуудыг тоочсон байна. Эдгээр нь:

1.Салбарыг дутуу ойлгох

Томилогдсон сайдууд зарим нэг төрийн бус байгууллага, хувь хүмүүстэй уулзаж салбартай танилцахаас ажлаа эхэлдэг боловч энэ нь салбарыг бүрэн ойлгоход хангалтгүй, зөвхөн тухайн уулзсан этгээдүүдийн асуудал дээр төвлөрдөг.

2. Хугацаа алдсанаас ажил саатах

Салбартай танилцахын тулд хугацаа их зарцуулснаас тогтоол шийдвэр, дүрэм журмуудын биелэлт саатаж салбарын ажлыг зогсонги байдалд оруулсан. Зарим нэг хэрэгжүүлэгч агентлагууд өмнөх болон шинэчлэгдсэн хууль дүрэмтэй бүрэн танилцаагүй, шинэчилсэн найруулгад яг ямар өөрчлөлт орсон, юу хийх шаардлагатайгаа бүрэн ойлгоогүй байсаар хугацаа их алдсан. Жишээ нь: Барилгын тухай хуулийг хэрэгжүүлэх дүрэм журам, даргын тушаал гараагүй гэсэн шалтгаанаар олон төслүүдийн зураг төсөл баталгаажуулах ажил гацаанд орсон.

3. Үндэсний зөвлөх инженеринг, төслийн удирдлага, мэргэжилтэй боловсон хүчнийг тасралтгүй хөгжүүлэх, сертификатжуулах бодлого хангалтгүй.

Монголын барилгын салбарт гадаад дотоодод мэргэжил эзэмшсэн чадварлаг боловсон хүчин олон байгаа боловч төрийн бодлого муугаас тэдгээрийн ажиллах боломж бүрдээгүй, дотоод нөөц бололцоогоо бүрэн судлаагүй.

4. Үндэсний стандарт, норм дүрмийн шинэчлэл, хөгжлийн асуудлыг орхигдуулсан.

Хувийн хэвшлүүдийн зүгээс зах зээлд нэвтрүүлж буй гадаадын технологийг өөрийн орны онцлогт тохируулан баталгаажуулах тогтолцоо, бааз суурийг хөгжүүлэх асуудал орхигдсоноос шинэ сайн технологи баталгааждаггүй, мөн эсрэгээрээ Монгол орны онцлогт тохирохгүй технологоор алдаатай барилгууд баригдаж хэрэглэгчдийг хохироох явдал ихээр гарч байна.

5. Хот төлөвлөлтийн бодлого алдагдсан

6. Чанарын хяналт, чанарын баталгааны бодлого алдагдсан.

Барилга угсралтын компаниудыг зэрэглэл, ур чадварын шалгуур үзүүлэлтийн хэмжүүргүй, тусгай зөвшөөрлийг олноор олгосноор чадваргүй компаниуд үүсгэн байгуулагдаж стандарт бус барилгууд баригдаж барилгын салбарын нэр хүндийг нийтээр нь унагааж байна" гэжээ.

Тиймээс тус салбарт ажиллаж байсан туршлагатай, төрийн байгууллагад ажиллаж байсан туршлагатай, мэргэжлийн эс бол эдийн засаг, хуулийн боловсролтой хүнийг томилохыг хичээнгүйлэн хүсч гээд тус салбарын 20 хүн гарын үсгээ зуржээ.

Ийнхүү барилгын салбарынхан Д.Өнөрболорыг эсэргүүцлээ.


Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Зочин 2016-07-28 07:10:42
    Барилгын салбарт Солонгосчууд даварч байгаа ш дээ. Мэргэжлийн бус,нэг ажилгүй Солонгос хэдэн орчуулагч тай ,мөнгөтэй ирчихээд барилгын компани байгуулчихдаг.
  • irgen 2016-07-27 15:32:26
    zuitei. ter solongos avgai chadaxgui
  • Зочин 2016-07-27 10:23:16
    Ер нь нэгэнт л ЗГ-ыг толгойлох эрхийг авсан нам асуудлыг хамт олноороо шийдээд тэр протоколын даг уу л гүйцэтгэх ёстой. харин хариуцлагыг томилсон ЗГ-НАМ хариуц...
    • зак 2016-07-28 09:58:12
      засгийн газар нам яаж хариуцлага хүлээдэг юм бэ.
  • Tenegt 2016-07-27 07:33:05
    Poox ed xediig abaa boloo. Budg xudaldagsan noxduud . Daraagiin udaa registeree tabixaa martbaa bas ID -gaa
  • зочин 2016-07-27 07:08:34
    Энд гарын үсэг зурсан гарууд дандаа шаалтуурууд л байна ш дэ. Эд нар барилгын салбарыг төлөөлж чадахгүй ээ. Гэхдээ Өнөр болорыг дэмжиж байгаа гэсэн үг биш шүү
  • барилгачин 2016-07-27 06:52:25
    энэ 20 хүн барилгын салбарыг тэр чигт төлөөлөх үү, битгий шаацгаа, дандаа л олз ашиг хайсан новшнууд л байна
  • өвгөн 2016-07-27 06:45:32
    энэ салбар-с олон зүйл, э/засаг шалтгаалах бий. чухал даа. мөнгө харсан улс эцийн дүндээ ТЭГ б/а даа. элбэгээ шиг юмыг тавив даа ...
  • bi 2016-07-27 06:38:05
    ounurbolor uuruu neree tat l daa ichih bulchirhaigui nohor bna
  • Хаха 2016-07-27 06:27:23
    Barilgiin salbar bish har пяарчид л бн
  • ХЭЭЛ ХАХУУЛЬ 2016-07-27 06:19:20
    Хээл хахууль нь тартагтаа тулж,барилгйн үнийг хөөрөгдсөн барилгын салбарынхан,юунаас айгаад байна,
  • Zz 2016-07-27 05:27:39
    Demjij bn
  • Admin 2016-07-27 05:12:19
    Zuv shiidver bnaa bayarlaa