С.Батболд: Нийтийн эзэмшлийн газарт барилга барихыг зөвшөөрөхгүй

Нийслэлийн удирдах ажилтны ээлжит шуурхай зөвлөгөөн 2016 оны 7 дугаар сарын 25-нд  болж, хуралдаанаар өнгөрсөн 21 хоногийн /7 дугаар сарын 10-25/ нөхцөл байдлын талаар Улаанбаатар хотын Цагдаагийн газар, Замын цагдаагийн газар, Нийслэлийн Онцгой байдлын газар, Нийслэлийн Мэргэжлийн хяналтын газрын дарга нар мэдээлэл өглөө.

Улаанбаатар хотын Цагдаагийн газрын дарга, туслах комиисар Ч.Болдбаатар, Үндэсний их баяр наадмын өдрүүдэд болон АСЕМ-ын уулзалтын үеэр Улаанбаатар хотын цагдаагийн албан хаагчид өндөржүүлсэн бэлэн байдалд ажилласан,  нийслэлийн хэмжээнд ямар нэг  онц ноцтой гэмт хэргийн зөрчил гараагүй гэлээ .

Мөн Улаанбаатар хотын Замын цагдаагийн газрын дарга, хурандаа Ч.Жаргалсайхан “Өнгөрсөн 21 хоногийн хугацаанд Улаанбаатар хотын хэмжээнд зам тээврийн 4137 дуудлага ирсэн. Зам тээврийн ослын улмаас 6 хүн нас барсан. Наадам болон АСЕМ-ийн уулзалтын хамгаалтад 720 шахам албан хаагч ажилласан. Хөдөө орон нутгаас мөн нэмэлт хүч авч ажилласны үр дүд АСЕМ-ын уулзалтын үеэр  зам тээврийн осолтой холбоотой дуудлага Улаанбаатар хотод гараагүй” гэлээ.

Нийслэлийн Онцгой байдлын газрын дарга Н.Уламбаяр,  нийслэлийн хэмжээнд өнгөрсөн өдрүүдэд гамшиг ослын 133 удаагийн дуудлага хүлээн авч ажилласны 97 нь обектын гал түймрийн дуудлага байсныг хэллээ.  Мөн ОХУ-ын Сибирь, Байгаль нуур орчим гарсан их хэмжээний түймрийн улмаас Улаанбаатар, Сэлэнгэ, Булган Дархан аймгуудад утаатай байсныг хэллээ. Түүнчлэн тарваган тахал өвчнөөс урьдчилан сэргийлэх зорилгоор Улаанбаатар хотын тээврийн товчоодод мэргэжлийн байгууллагуудыг хамруулсан хяналтын цэг ажиллуулж, хяналт шалгалт, ариутгал хийх саналтай байгаагаа хэллээ.

Нийслэлийн Мэргэжлийн Хяналтын газрын дарга Л.Эрдэнэчулуун, нийслэлийн хэмжээнд зөвшөөрөлгүй баригдаж байгаа барилгуудын талаар товч мэдээлэл өглөө. Тэрээр “Өнөөдрийн байдлаар нийслэлийн хэмжээнд 27 барилга зөвшөөрөлгүй байна.  Эдгээр барилгуудад зөрчлийг арилгуулах албан шаардлагыг өгч ажиллаж байна. Цаашид хууль тогтоомж зөрчин, нийтийн эзэмшлийн зам талбай, гарц хааж барьсан 2 барилгыг албадан буулгах, барилга эрхлэх тусгай зөвшөөрлийг хүчингүй болгох зэрэг арга хэмжээ авч ажиллах хэрэгтэй байна” гэдгийг хэллээ.

Мэдээллийг сонсоод нийслэлийн Засаг дарга бөгөөд Улаанбаатар хотын Захирагч С.Батболд, “Цаашид нийтийн эзэмшлийн зам талбай, ялангуяа сургууль, цэцэрлэгийн газраас сөөм газрыг ч бизнесийн зориулалтаар барилга барихаар ашиглахыг би хүлээн зөвшөөрөхгүй. Тиймээс үүнд холбогдох газрууд болон дүүргийн Засаг дарга нар маш өндөр хяналт тавин ажиллах хэрэгтэй. Мөн нийслэлийн хэмжээнд өвөлжилтийн бэлтгэл ажлыг хангах, сургууль цэцэрлэг, эмнэлэгийн засварыг яаралтай дуусгахыг холбогдох албан тушаалтнуудад үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Boldoo 2016-07-26 03:23:26
    Sain baina. Demjij baina, Yavgan khunii zamiig shakhaj yum baridgiig zogsoomoor baina
  • irgen 2016-07-25 13:38:51
    hudlaashdee ingej yarij bgaad l jinhen barin shde
  • zochin 2016-07-25 07:23:44
    Baruun 4 zamiin usan orgiluur bsan hesegt baishin barisaarl bna USTO
  • Уяач 2016-07-25 06:47:41
    Хотын хүүхэд БатҮүл дугуйн зам тавьж эхэлж байсан одоо уяачийн улаан хацартай хүүхэд морины зам тавина
  • dorj 2016-07-25 05:02:44
    M.Enhbold chamd ali barilgiig zuvshuuruh zuvshuutuhguig ni zaagaad ugnu.sanaa zovoltgui,mori unasan tolgoigui hun minee.
  •  2016-07-25 04:38:15
    AH sain ajillasan
  • zochin 2016-07-25 03:59:10
    zuudend ch oromgui ybdal bolson shuu. Uursduu ch shoknoosoo garch chadahgui bsan gesen. Odoo sain ajillahaa haruulah l uldlee.