Шинэ Засгийн газрын бүтэц ийм байна
УИХ-ын М.Энхболдод Ерөнхий сайд Ж.Эрдэнэбат Засгийн газрын бүтцийн тухай, Засгийн газрын бүрэлдэхүүний тухай, Засгийн газрын тухай хуульд нэмэлт, өөрчлөлт оруулах тухай хуулийн төслүүдийг, “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төслийн хамт өнөөдөр /2016.07.20/ өргөн мэдүүллээ.

Монгол Улсын Үндсэн хуулийн Гучин есдүгээр зүйлийн 2 дахь хэсэгт заасны дагуу Монгол Улсын Ерөнхийлөгчтэй зөвшилцсөний үндсэн дээр ийнхүү Улсын Их Хуралд өргөн мэдүүлж буйгаа Ерөнхий сайд Ж.Эрдэнэбат танилцуулав.

Засгийн газрын бүрэлдэхүүнд Монгол Улсын Ерөнхий сайд, Монгол Улсын Шадар сайд, Монгол Улсын сайд, Засгийн газрын Хэрэг эрхлэх газрын дарга болон асуудал эрхэлсэн сайд нар зэрэг 16 гишүүн байхаар төсөлд тусгасан байна. Тухайлбал,

Монгол Улсын Ерөнхий сайд;

Монгол Улсын Шадар сайд;

Монгол Улсын сайд, Засгийн газрын Хэрэг эрхлэх газрын дарга;

Байгаль орчин, аялал жуулчлалын сайд;

Гадаад харилцааны сайд;

Сангийн сайд;

Хууль зүй, дотоод хэргийн сайд;

Хөдөлмөр, нийгмийн хамгааллын сайд;

Батлан хамгаалахын сайд;

Барилга, хот байгуулалтын сайд;

Боловсрол, соёл, шинжлэх ухаан, спортын сайд;

Зам, тээврийн сайд;

Уул уурхай, хүнд үйлдвэрийн сайд;

Хүнс, хөдөө аж ахуй, хөнгөн үйлдвэрийн сайд;

Эрчим хүчний сайд;

Эрүүл мэндийн сайд.


Засгийн газар 13 яамтай ажиллах бөгөөд үүнээс Байгаль орчин, аялал жуулчлалын яам, Гадаад харилцааны яам, Сангийн яам, Хууль зүй, дотоод хэргийн яам, Хөдөлмөр, нийгмийн хамгааллын яам ерөнхий чиг үүргийн яам байна. Батлан хамгаалахын яам, Барилга, хот байгуулалтын яам, Боловсрол, соёл, шинжлэх ухаан, спортын яам, Зам, тээврийн яам, Уул уурхай, хүнд үйлдвэрийн яам, Хүнс, хөдөө аж ахуй, хөнгөн үйлдвэрийн яам, Эрчим хүчний яам, Эрүүл мэндийн яам нь чиглэлийн яамд байхаар төсөлд тусгасан байна.

Шинэчлэн боловсруулсан “Төрийн захиргааны байгууллагын тогтолцоо, бүтцийн ерөнхий бүдүүвчийг шинэчлэн батлах тухай” Улсын Их Хурлын тогтоолын төсөлд Засгийн газрын тохируулагч агентлаг 10, Засгийн газрын хэрэгжүүлэгч агентлаг 17 ажиллахаар тусгасан бөгөөд Засгийн газрын агентлагуудын тоонд өөрчлөлт орохгүй байхаар зохицуулжээ.
 

Тухайлбал, Засгийн газрын хэрэгжүүлэгч агентлаг

Хүүхдийн төлөө газрыг – Хүүхэд, залуучуудын хөгжлийн газар

Гааль, татварын ерөнхий газрыг – Гаалийн ерөнхий газар, Татварын ерөнхий газар

Нийгмийн даатгалын ерөнхий газрыг – Эрүүл мэнд, нийгмийн даатгалын ерөнхий газар

Төрийн өмчийн бодлого, зохицуулалтын газар

Улсын бүртгэл, статистикийн ерөнхий газрыг – Үндэсний статистикийн хороо

Улсын бүртгэл, оюуны өмчийн ерөнхий газар

Газрын тосны газар, Ашигт малтмалын газрыг нийлүүлэх замаар зохион байгуулах нь зүйтэй гэж үзсэн байна.


Түүнчлэн Засгийн газрын бүтэц, бүрэлдэхүүн болон “Төрийн захиргааны байгууллагын тогтолцоо, бүтцийн ерөнхий бүдүүвч”-ийг шинэчлэн батлахтай холбогдуулан 44 хууль, Улсын Их Хурлын тогтоолын төслийг боловсруулсан байна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

 
Бусдад түгээх
  • gplus

Сэтгэгдэл үлдээх

Уншигчдын бичсэн сэтгэгдэлд olloo.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 772-01100 утсаар хүлээн авна.

Сэтгэгдэлээ бичихХураах

тэмдэгтэнд багтааж бичнэ үү.
  • Zochin 2016-07-21 04:58:32
    Uuriinhuu nairuulsan zuiliig uur huneer unshij taniltsuulj bn. Zuzig togolchih yum aa.
  • zochin 2016-07-20 14:55:37
    MAN-iinhan songuuliin umnu 1 uur, songuuliin daraa bas 1 uur yum yaridag uls daa ed udej uuhaa l bodno doo
    • ккк 2016-07-20 18:09:47
      Яамны нэрийг жаахан өөрчлөх байдлаар төрийн албан хаагчдыг ажлаас халах үндэслэл бий болно. Нэрийг нь хуучнаар нь аваад явбал одоо ажиллаж байгааг халж болохгүй...
  • Tseren dorj 2016-07-20 13:24:51
    Baigal Orchin i Said d Oyun horol l ym hiih hvn de Mongolchuud bid negniigee dandaa dooshin hiij suudag uls bolohoor Shar medee geer bulj baih ym
  • зг 2016-07-20 11:06:20
    Зөвшилцөх гэдэг зөвшөөрөл авахаас өөр байхаа.
  • zochin 2016-07-20 08:58:26
    Байгаль орчны тэнцвэрийг хадгалах замаар нийгэм, эдийн засгийн бодлогоо хэрэгжүүлэх нь онцгой чухал бн. Зөв хүнийг томилох ёстой. Д.Цогтбаатар л тохирно
  • Re 2016-07-20 08:01:55
    Эрчим хүч, Эдийн засаг, Экологи гэсэн гурвалжин бий шүү. Анхаарахгүй байж дампуурав за!
  • сайдаа хардаа 2016-07-20 07:53:27
    сайд нараа хардаа ийм улс сайд байх юм уу
    202.21.113.110
    Мэдэгдсэн Хариулах